Алдын ала орындалатын жұмыс: қазақтың ұлттық баскиімдерімен таныстыру.
Көрнекіліктер: үлестермелі материалдар, қазақтың ұлттық баскиімдерінің суреттері
(тақия, бөрік, сәукеле); магниттік тақта, тақияның суреті, тақияның үкісі мен ою-
өрнектер.
Сөздік жұмысы: тақия, баскиім.
ҰОҚ-нің барысы
1.Ұйымдастыру кезеңі
Шаттық шеңбер.
Педагог балаларды шаттық шеңберге тұрғызады.
Бір шаңырақ астында,
Тату-тәтті тұрамыз.
Бірге ішеміз асты да,
Бірге сайран құрамыз.
Ортақ болып ісіміз,
Еңбек десе тынбаймыз!
(Н. Айтов)
Ғажайып сәт:
Педагог қолына қуыршақ ойыншықты киеді.
– Балалар, бүгін бізге қуыршақ қонаққа келеді.
– Сәлеметсің бе, қуыршақ!
– Сәлеметсіңдер ме, балалар! Менің атым – Әлия.
Педагог балалардан қуыршақтың үстінде қандай киім барын сұрайды?
Педагог түсінік береді: Тақия – қазақтың ұлттық баскиімі.
Сөздік жұмыс: тақия, баскиім.
Тақия қазақтың ою-өрнектерімен әшекейленген. Қазақ халқы өзінің үй тұрмысында
қолданылатын заттарды ою-өрнектермен әсемдеген.
Қуыршақ:
–Менің тақияма ою-өрнек салып бересіңдер ме?
Достарыңызбен бөлісу: | 
