Тәрбиеленушілердің кәсіптік бағдар жүйесі – бұл жалпы қоғамдағы тәрбиеленушілердің өмірге бейімделуінің (өзін тануы) әлеуметтік және кәсіптік процесін дамытуға бағытталған, әртүрлі мемлекеттің және қоғамдық бірлестіктердің, мекемелердің, мектептердің, сонымен қатар отбасының ұйымдасқан, басқару іс-әрекеті.
1) Кәсіптік ағарту, оның ішіне кәсіптік ақпарат, кәсіптік бейімдеу кіреді. Тәрбиеленушілерді қазіргі кезеңдегі қоғамға қажетті мамандықтармен, олардың практикалық мүмкіндіктерімен таныстыру.
2) Тәрбиеленушінің мамандыққа мүмкіндігін және қызығушылығын анықтау үшін бағыттың кәсіптік диагностикасын қолданады. Бұл мақсатты орындау үшін сауалнамалық, тесттік әдістер қолданылады.
3) Тәжірибелі мамандардың мамандық таңдауда беретін кәсіптік көмегі. Кәсіптік кеңесте барлық тәрбиеленушілер мен ата-аналар қамтылуы тиіс.
4) Кәсіптік іріктеу мектептерде, оқу-өндірістік комбинаттарда, ресурстық орталықтарда жүргізіледі. Бұл жерде таңдаушы алдына мақсат қойылады, яғни ол таңдаған мамандығының еңбек қиыншылықтарына қарамай, оны меңгеруі керек.
5) Әлеуметтік-кәсіптік бейімделу оқу шеберханаларында, тәрбиеленушілердің еңбек бірлестіктерінде және т.б. жүзеге асады. Әлеуметтік кәсіптік бейімделу процесі кең сатыда жоғарғы сыныптағы тәрбиеленушілердің базалық кәсіпорындағы өндірістік практикасы болып табылады.
6) Кәсіптік тәрбиелеуде тәрбиеленушілер бойында таңдаған кәсібіне борыштық сезімін, жауаптылықты, кәсіптік құрметті қалыптастыруды мақсат етеді.
