Қантамырлардың ішіндегі қан аққанда, тамыр бүйіріне белгілі қысым күш түсіреді, міне мұны қан қысымы дейміз.
Қантамырлардың ішіндегі қан аққанда, тамыр бүйіріне белгілі қысым күш түсіреді, міне мұны қан қысымы дейміз.
Қан тамырлары артерия және көктамыр немесе күретамыр деп бөлінгендіктен, қан қысымы да артериялық қан қысымы және веналық қан қысымы деп екіге бөлінеді. Веналық қан қысымының сандық мәні төмен болатындықтан, әдетте қан қысымын өлшегіш арқылы өлшеуге мүмкін болмайды. Жайшылықта айтып жүрген қан қысымымыз артериялық қан қысымын көрсетеді. Оны қан қысым өлшегіш (гемманометр) арқылы шынтақтың ойысындағы иық артериясын өлшегендегі мәні арқылы өрнектейді. Біз айтып жүрген артериялық қан қысымы, жиырылу қысымы және кеңею қысымы сынды екі мәнді қамтиды.
Жиырылу қысымы жүрек жиырылған кезде қанның тамыр бүйіріне түсіретін ең жоғары қысымын, ал кеңею қысымы жүрек кеңейген кезде қанның қан тамыр бүйіріне түсіретін ең төмен мәнін көрсетеді. Жиырылу қысымы әдетте жоғары қан қысымы, ал кеңею қысымы төменгі қан қысымы делінеді. Мысалы, жирылу қысымы 120 mmHg (миллиметр сынап бағанасы), кеңею қысымы 80 mmHg болады да, 120/80 mmHg деп өрнектеледі
