Ата-аналарға арналған тренинг бағдарламасы Түсініктеме
Тақырыбы: «Бала көңілін табыңыз»
жүктеу/скачать 103,02 Kb.
|
Ата - аналарға арналған тренинг бағдарламасы
- Бұл бет үшін навигация:
- Қолданылатын әдіс-тәсілдер
- Өтілу барысы. І. Ұйымдастыру кезеңі: Тренингтің мақсаты мен тапсырмаларын жариялау. Топ жетекшісімен таныстыру. ІІ. Тренингке қатысушыларды бір-бірімен таныстыру.
| 8. Тақырыбы: «Бала көңілін табыңыз»
Мақсаты: бала тәрбиесі дамуындағы басты рөл атқарушы - отбасы. Сондықтан ата - ананың бала көңілін таба білуін ой қозғау, тәрбиелеуге осы бастан бағыт беру. Қолданылатын әдіс-тәсілдер: сөздік, түсіндіру, сұрақ-жауап, практикалық тестілеу. Көрнекілігі: тақырыпқа байланысты нақыл сөздер жазылған плакаттар, дидактикалық материалдар, маркер, әдістемелік бланк, сызба бағалау парағы, кері байланыс парағы, үлестірме қағаздар, сызғыш, қалам, тесттер. Өтілу барысы. І. Ұйымдастыру кезеңі: Тренингтің мақсаты мен тапсырмаларын жариялау. Топ жетекшісімен таныстыру. ІІ. Тренингке қатысушыларды бір-бірімен таныстыру. Психологиялық ойын: «Мен сенімен сұхбаттасқаныма қуаныштымын» атты жаттығу. (Барлығы бір-бірінің қолын ұстап шеңбер құрады) Сіз өзіңізді таныстырып, өзіңіз жайлы бір-екі ауыз сөз айтқаннан кейін оң жақтағы көршіңіздің де солай етуін өтініңіз, сізден кейін де солай жалғаса береді. Қатысушылар түгел танысып болған соң көңілі қалағандарға топтағылардың атын түгел атап шығуларын өтініңіз. Топтастыру. Алма, өрік, алмұрт болып 3топқа бөлу. Әркім өзі қалаған жеміске барып отырады. Ата-аналарды жиналыс ережесімен таныстыру. Ата-аналарға сауалнама тест тапсыру, тарату. Сіз қандай ата-анасыз? «Жақсы тәрбиеші, үлгілі ата-ана бола аламыз ба?» деген сауал төңірегінде ойланып көрдік пе? Сұрақтарға «иә», «жоқ», «кейде» деп жауап беру арқылы өздеріңізді тексеруге болады. Балалар туралы газет-журнал беттерінде жарияланған материалдарды немесе радио, теле хабарларды жүйелі оқып тыңдап отырасыз ба? Балаңыз бір оғаш әрекет істеп қойса, онда сіздің тәрбиеңіздің нәтижесі бар ау деп ойлайсыз ба? Егер балаңыз сізге жәрдем берсе, осы кезде оның өз жұмысы бұдан кедергіге ұшырап, немесе мүлде тоқтап қалуы мүмкін екендігіне қарамастан қабылдар ма едіңіз? Бұйыру немесе тиым салу сияқты шараларды сіз тек қажет кезінде ғана қолданасыз ба? Балаға оның айналасындағылардың үлкен әсер ететіндігін сезінесіз бе? Спорттың баланың жан-жақты дамуында маңызы зор екендігін ескересіз бе? Сіз балаңыздың бір нәрсені орындау жөнінде талап тұрғысынан емес, өтініп сұрап көрдіңіз бе? Балаңыздың әр түрлі сылтаулармен «құтылуға тырысуы» сізге ыңғайсыздық туғызбай ма? («Жауап парағы» алынады) Психологтың қорытындысы: Әрбір мақұлдау жауапқа – 2ұпай, ал «кейде» деген жауапқа – 1ұпай, ал «қарсы» жауабыңызға – 0 ұпайдан қойыңыз. 6 ұпайдан төмен – бала тәрбиесі туралы түсінігіңіз көмескі екенін көрсетеді, 7-10 ұпай – сіз бала тәрбиесінде қателік жіберіп аласыз, олқы тұстарыңыз баршылық. 15 ұпайдан жоғары - ата-аналық парызыңызды жақсы атқарып жүрсіз. Барлығы шеңбер болып тұрып «Пампам пара ра- рам» ойынын ойнайды. Қорытынды бөлімінде жалпы ата-аналармен жеке бастың қасиетін бағалау. «Мен сізге жазамын» атты ойынымен аяқталып, кері байланыс парағы «Ең түйін сөзді мен айтамын» стратегиясы. (Әр ата-ананың пікірін тыңдау) Қатысушыларға ақ парақ беріледі, оны толтырып, өткізеді. Психолог: Жақсы адам да күн сияқты айналасына жылу береді. Күн табиғатқа, жер бетіне жылуын таратады. Мына кішкене гүлді бір-бірлеріңізге бере отырып, жақсы тілектеріңізді айтып шығыңыздар. Ата-аналар шеңбер бойына тұрып, бір-біріне тілектер айтады. Психолог бүгінгі тренингке қатысқан ата-анаға алғысын білдіреді. Нәтиже: ата-ана өз сезімін өзгелерге көрсетудің жаңа формаларын меңгереді; өзін-өзі және өзгелерді сыйлауға, бағалауға, мейірімділік көрсете білуге үйренді; баланың көңілін табуға, өздеріне деген сенімділіктерін арттыруға ықпал жасады. Шығу парағы: Тренинг сізге қызықты болды ма ,әлде жок па? (Неге?) ________________________________________________________________________________________________________________________ Тренинг барысындағы өзінің жұмысынды бағала_____________________________________________________ Жүргізушіге ұсыныстарыңыз,тілектеріңіз_____________________________________________________________________________________________ жүктеу/скачать 103,02 Kb. Достарыңызбен бөлісу:
|