Максаты: Болочоктогу мугалимдерди класстан тышкаркы иштерди жүргүзүүдө кыргыз элдик оозеки чыгармаларынын негизинде окуучуларга адептик тарбия берүү жумуштарынын мазмуну жана негизги формалары менен тааныштыруу.
Планы:
1. Класстан тышкаркы иштерди жүргүзүүдө кыргыз элдик оозеки чыгармаларынын негизинде окуучуларга адептик тарбия берүүнүн жекече формалары (элдик салттар, жөрөлгөлөр жөнүндөгү элдик оозеки чыгармаларды, китептерди окуу; элдик оозеки чыгармачылык боюнча конкурстарга даярдануу ж.б).
2. Класстан тышкаркы иштерди жүргүзүүдө кыргыз элдик оозеки чыгармаларынын негизинде окуучуларга адептик тарбия берүүнүн группалык иштөө формалары (экскурсиялар, фольклордук ийримдер, жумалыктар, конкурстар, өткөрүлүүчү иш-чараларга карата оюндар, окуучулардын чыгармачылык иштерин көргөзмөсүн уюштуруу, мугалимдин жардамы менен дубал газета чыгаруу ж.б.).
3. Класстан тышкаркы иштерди жүргүзүүдө кыргыз элдик оозеки чыгармаларынын негизинде окуучуларга адептик тарбия берүүнүн массалык топтор менен иштөө формалары (адептүүлүктүн, моралдын эрежелери боюнча лекциялар, доклад жана аңгемелешүүлөр, ардагерлер, элдик оозеки чыгармачылыктын устаттары, окумуштуу-педагогдор, менен жолугушуу, диспуттар жана конференциялар, ролдук оюндарды өткөрүү).
Методикалык көрсөтмөлөр
Этнопедагогикалык жана этнографиялык адабияттарды үйрөнүүнүн негизинде элдик майрамдардын социалдык-педагогикалык, адептик, эстетикалык маңызын ачуу керек. Элдик майрамдардын уюштурулушуна жана өткөрүлүшүнө байкоону мүмкүн болушунча айыл жеринде, айыл мектептеринде жүргүзүү керек. V-VIII класс окуучуларында бир майрамдык фольклордук кечени өткөрүүнүн план-сценарийин түзгүлө.
Достарыңызбен бөлісу: |
