Қазақ мемлекеттілігі туралы тұжырым

Тақырып аясында қолданылатын баспасөз, интернет қорлары:

1. 
   Елбасының Ұлытау төрінде берген салиқалы сұхбатыны.(2014 ж. 26 тамыз)
   
2. 
   https://prezi.com/p/yxfkxoz0kwrt/presentation/?fallback=1 интернет парақшасында қазақ мемлекеттілігін көрсететін тарихи оқиғалар егжей-тегжейлі сипатталған.
   
3. 
   Қазақстан Республикасы Білім және ғылым министрлігі Мемлекет тарихы институты және «Кәсіби тарихшылар мен қоғамтанушылар лигасы» қоғамдық бірлестігі 2021 жылдың 22 қаңтарында «Қазақ мемлекетінің қалыптасу және нығаю тарихы: тың деректер мен ғылыми тұжырымдар» тақырыбында халықаралық ғылыми-практикалық онлайн-конференциясынан мәліметтер.
   
4. 
   Қазақстан Республикасының Мемлекеттік хатшысы Г.Әбдіқалықованың «Елдік жолындағы ерлік» атты мақаласы.
   
5. 
   О. Смағұловтан алған Т. Балымбетовтің сұхбатынан.
   
6. 
   Қазақстанның Ұлт бірлігі доктринасынан.
   

1. 
   Қазақ мемлекеттілігі туралы тұжырым – Елбасының Ұлытау төрінде берген салиқалы сұхбатының басты мәселесі. 2014 ж. 26 тамыз
   

Оның айтуынша, Тәуелсіздік алып, нарық талаптарын қабылдағаннан бері қарай Қазақстан экономикасын жаңа жолға қойып, жүйелі дамыту бағытына көшті. «Экономика өсіп-өнбесе, басқа шаруаның бәрі шешілмейді. Тіл де, дін де жайына қалады. Қазақтың да жағдайы жақсармайды» дейді өз сұхбатында Елбасы. Ал қазіргі жаһандану жағдайында, көптеген елдерде дағдарыс мәселесі толықтай шешілмеген кезеңде ел экономикасын үдемелі түрде алға дамыту мақсатында Қазақстан инновациялық даму жолын таңдады. Инновациялық экономика – мемлекет дамуындағы ең басты бағыттардың және міндетті шарттардың бірі.

«Өндірістен бастап, білім беру жүйесіне дейінгі барлық салаға жаңа идеялар мен тың бастамалар енгізіп, үдемелі индустриалды-инновациялық даму бағдарламасын қабылдау, тағы басқа шаралар ел экономикасын бәсекеге қабілетті деңгейге жеткізу мақсатында жүргізіліп отыр. Бәсекеге қабілетті озат 30 елдің қатарына енеміз деп алдымызға ірі мақсат қойып отырған кезеңде ел экономикасын осы талапқа сай бағытта дамыту қазіргі қоғамда, әсіресе жас буын арасында үлкен қолдау табуда. Себебі жастар әрдайым жаңалыққа, ерекше идеялар мен жаңа технологияларға жақын болып келеді. Экономиканың бәсекеге қабілеттілігі жастардың бәсекеге қабілеттілігімен анықталады. Сондықтан да білім жүйесіне инновациялық технологиялар мен жаңа бағдарламалар енгізіліп, модернизациялау жүріп жатыр», - деді ол.