«Жаңа сөз үйренейік»айдарында мұғалім 1-тапсырмада берілген жаңа сөздерді сөздіктің көмегіне жүгініп аудартады, бірнеше рет қайталатады. Ондағы мақсат – оқушыларға
«Сөздікті» таныстыру, оны қолдануға үйрету. Одан әрі оқушыларға мұғалім жаңа сөздерді сурет арқылы меңгертеді. Меңгерген сөздерінің оқушы есінде сақталуын қамтамасыз етеді. Жаңа сөзді қолдану дағдысын қалыптастырады. Ол үшін мұғалім тақтаға суреттерді (қыздың екі қолын екі жаққа жайып, «Міне, менің үйім» деп көрсеткен суреті, «Мынау – менің ауылым», «Әне, менің үйім» деген сөйлемдер жазылып тұрады, жаңа сөздер қарамен жазылған) іліп қояды немесе интербелсенді тақтадан көрсетеді. Жаңа сөздерді сурет арқылы көрсеткенде оқушының көру қабілеті және сөздің мағынасын түсініп есте сақтау мүмкіндігі артады. Және де бұл суреттерден бөлек мұғалім өзі де басқа да мысалдар келтіреді. Мысалы:
«Әне, менің мектебім». «Мынау – біздің сынып». «Анау тұрған менің досым» т.б.
