4.3.4.1 * Мұғалімнің қолдауымен мәтін мазмұнын және кейіпкерлердің іс- әрекетін бағалауға бағытталған сұрақтар (неліктен? не үшін?) құрастыру және оған жауап беру
4.5.1.3 *Өз бетінше шағын мәтіннен етістіктің шақ, рай формаларын
ауызша/жазбаша тілде қолдану
Мұғалім сабақты қызықты ойынмен бастауына болады. Мысал ретінде мынадай ойын арқылы оқушыны жаңа сабаққа оңай енгізуді ұсынамыз. Интерактивті тақтада (болмаған жағдайда қатырғықағаздан жасап алуға әбден болады) мұғалім алты немесе сегіз ұяшықтан тұратын постер әзірлейді. Әр бөлікте түрлі мамандық иелерінің жұмыс орындары тұрады. Оқушылар сол жерде жұмыс істейтін мамандар кім екенін анықтап, маман иелерін (интерактивті тақта болмаған жағдайда қағаздан қиып алынған қуыршақтарды) өз орындарына қояды. Осылайша оқушылар бүгінгі болатын сабақ тақырыбын болжап біле алатын болады және осы сабақта қолданатын жаңа сөздерін арагідік қолданып та үлгереді. Мәселен: сахна, мамандық, әнші, театр, актер сөздерін ойын барысында қолданатын болады. Одан әрі мұғалім сабақ тақырыбын ресми хабарлайды. Одан әрі оқушыларға жаңа сөздерді меңгертуді қолға алады.
