ҚазаҚстан мұсылмандары діни басҚармасы АллАғА мАдАқ (таңдаулы діни өлеңдер) алматы, 2010

«Аллаһ Тағала сендердің дене-пішіндерің 
мен бет-әлпеттеріңе қарамайды, 
жүректерің мен іс-әрекеттеріңе қарайды.»
(Хадис)

71
Имашев Балғынбек,
Астана қаласы.
мҰХАммЕд – АллАнЫң ЕлШісі
Жазалайтын кәпірді мәңгі отымен,
Қуантатын мүминді жәннатымен,
Жаратқанға сыйынып құзыры кең,
Бастадым Рахман, Рахим Алла атымен!!!
Әлемдердің Раббысы Рахман Алла, 
Жалғыз өзі лайық мақтағанға.
Сәлем менен салауат – Расулуллаһ,
Саллаллаһу ъалейһи уә сәлләмға!
Бізге сынақ еткен соң фәниді Алла,
Адамзаттың бақыты – ар иманда.
Өмір мәні – жүрекпен сеніп тұрып,
Тілмен айтқан куәлік кәлимаңда.
 «Лә иләһә илләллаһ» – тоқ  етері,
Мұның мәнін ұққанға не жетеді?
Бұл – құлшылық  жасауға лайықты,
Алладан басқа Тәңір жоқ екені.
Сені Хаққа осы сөз сыйлы етеді,
Барлық жалған тәңірді күйретеді.
Ал «Мухаммәд расулуһу» – құлшылықты   
Қалай жасау керегін үйретеді.
Пайғамбарша орындап парызыңды,
Қайтаруға асық бол қарызыңды.
Адамзаттың Мұхаммед – асыл тәжі,
Сондықтан да әлемге нағыз үлгі.

72
Аллаға мадақ
Қияметте батыстан шығар күнді,
Ұмытпастан ұлықта Раббыңды.
Тура жолды көрсету үшін Расул,
Өз-өзін тірі жүрген Құран қылды.
Мұхаммедше адал боп аманатқа,
Мінезіңмен үлгі бол жамағатқа.
Мейріміне Аллаһтың бөленесің,
Қарыныңды тойдырсаң қанағатқа.
Мұхаммедше көмек бер өтінгенге,
Мұхаммедше желек бол жетімдерге.
Саған тиер сауапты әр амалы,
Ертең өсіп сол жетім жетілгенде.
Мұхаммедше сабыр ет жоқшылыққа,
Мұхаммедше шүкір ет тоқшылықта.
О дүниенің ойлай бер от азабын,
Бұл өмірде төзбесең от, суыққа.
Мұхаммедше жұмсақ бол жұбайыңа,
Мұхаммедше жалбарын Құдайыңа.
Сонда ғана жәннатта қауышасың,
Аллаһтың мінсіз, кемел шырайына.
Махаббатта адаспай ақылымнан,
Иә, Раббым, қалмайын Расулыңнан.
Қаһарыңнан қаншалық қорықсам да,
Үміт етем соншалық Рахымыңнан.
Бағытталып Аллаға бар игіміз,
Үлгі етеміз әр істе Нәбиді біз.
Қияметтің күнінде «үмбетім» деп,
Шапағатшы болса екен хабибіміз!!!

73
Таңдаулы діни өлеңдер

жүктеу/скачать 2,13 Mb.

Достарыңызбен бөлісу: