Зекеттің үкімі қандай?
Жауап:
Исламның негізгі бес тірегінің бірі Зекет ғибадаты
Һижраның екінші жылы рамазан оразасынан кейін шәууәл
айында парыз болды. Қасиетті Құрандағы:
«Намаз оқыңдар,
зекет беріңдер»
(«Бақара» сүресі, 34, 83-аяттар)
,
«Олардың
күнәларынан тазаланып, малдары көбейіп берекеттенуі
үшін олардың (мұсылмандардың) малдарынан садақа
(зекет)
ал»
(«Тәубе» сүресі, 103-аят)
,
«Шын мәнінде, садақалар
(зекеттер) кедей-кепшіктерге, түгі жоқ міскіндерге, зекетті
жинауға тағайындалған адамдарға, көңілдері жібітілуі
мақсат етілгендерге (жаңа мұсылмандарға т.б.), құлдарды
азат етуге, қарызға батқандарға, Алла жолына және
қиналған жолаушыларға берілуі Алла тарапынан парыз
етілді», – деген
(«Тәубе» сүресі, 60-аят)
аяттары зекеттің
парыздығына дәлел болады. Пайғамбарымыз (оған Алланың
салауаты мен сәлемі болсын): «Ислам бес негізге құрылған:
Алладан басқа құдай жоқ екеніне және Мұхаммед Алланың
құлы әрі Елшісі екеніне куәлік ету, намаз оқу, зекет беру,
71
рамазан оразасын ұстау және шамасы келсе, қажылыққа
бару», – дейді
(Бұхари)
. Барлық Исламның ғұлама-мүжта-
һидтері зекет ғибадатының парыз екеніне бірауыздан
келіскен. Тіпті сахабалар: «Зекетті бермейміз дегендерге
қарсы соғыс ашу керек» деген пікір айтқан. Кімде-кім зекет
ғибадатының парыздығын қабылдамаса, діннен шығады. Ал
парыздығын қабылдап орындамаса, күнәһар болады.
Достарыңызбен бөлісу: | 
