Оқушы білім-білігін, тексерудің әр түрлі жолдары

Оқушылардың өз білімін практикада тексертіп, іскерліктерін айқындайтын сұрақтардың маңызы өте зор. Дүниетану сабақтарында мұндай сұрауды табиғаттағы маусымдық құбылыстарды жүйелі түрде бақылау нәтижелері бойнша ұйымдастыруға зор мүмкіндік бар. Бақылау күнделігі практикада меңгерген іскерліктер мен дағдыларды қолдануға сүйене отырып, осындай жұмысты жүйелі түрде өткізуге мүмкіндік береді.

Оқушылардың практикадан алған білімін қолдана білу іскерлігін тексеруде практикалақ жұмыстар жүйесі мен тапсырмалардың маңызы өте зор. Мұғалімдер сыныпта топографиялық диктант ұсына отырып, бағыттарды сызбамен бейнелей алуын, шартты белгілерді білуін, оларды қағазға бейнелей алуын тексереді. Мұғалім тәжірибелерді көрсету кезінде балалардың білімін бір оқушы тәжірибе жасап, қалғандары оны қадалағанда жеке, ал тәжірибені бүкіл сынып жасағанда жаппай тексереді. Мұғалімдер білім тексеру кезінде табиғат объектісін схема түрінде бейнелей көрсететін графикалық сипаттағы жұмысты қолданады. Графикалық жұмыстардың жәрдемімен білім тексеру өткен материалды меңгеру сапасын, оны көрнекі түрде кескіндеу іскерлігін, ұғымын тексеруге мүмкіндік береді.

Мұғалім тоқсандық немесе жылдық баға қойған кезде мектеп оқушысының дүниетану сабақтарындағы күнделікті жұмысы, оны ауызша сұрау,теориялық білімдерінің жалпы деңгейі және оларды практикада қолдана білуі жөніндегі өз бақылауларының нәтижелерін ескереді.

Тест қолдану үшін:

1. Тапсырманың жауабы мен сұрағы қысқа әрі анық болу қажет 1 сұрақта 3-5 жауап болып, оның 1-еуі ғана дұрыс болу керек.

2. Сұрақтарға жауап беру уақыты қатан сақталуы керек.

3. Тесте берілген сұрақ әр адамға түсінікті болатындай етіп жазылу керек.

Тесті құрастыруды 3 кезенге бөлуге болады.

• 
  тестпен сынауды бағдарламалау
  
• 
  тестердің жоспарын жасау
  
• 
  тестердің мазмұнын жасау