Қазақстан республикасы денсаулық сақтау министрлігі
жүктеу/скачать 2,08 Mb. Pdf көрінісі
|
НЕРВ ЖҮЙЕСІ ОҚУ ҚҰРАЛЫ
- Бұл бет үшін навигация:
- Тұқым қуалауға бейімділік
|
Абсанстар (шағын талмалар, petitmal) – қысқа мерзімге есінен танып, кейін болған оқиғаны ұмытып қалу; қояншық симптомы немесе генерализацияланған құрысқақсыз талмалардың алуан түрлілігі. Бұл жоғары жиілікпен және ЭЭГ-ғы 3 герц жиіліктегі генерализацияланған пик-толқындық белсенділікпен сипатталады. Сонымен бірге, абсанс кезінде науқас қысқа мерзімнің ішінде құрысусыз естен танып, құлайды және вегетативтік әйгіленімдер (бетіндегі тері түсінің өзгеруі, гиперсаливация, мидриаз және басқада ерекше белгілер) байқалады. 64 Абсанстарға тән ерекшеліктер – олардың жиілігінің жоғары болуы. Ауыр жағдайларда бір тәулікте ондаған немесе жүздеген ұстамалар дамуы мүмкін. Кейбір абсанс кезінде науқас ұстаманы басынан кешіргенді байқамай қалады. Науқас ештеңе болмағанын және ол барлық уақытта есінің сақталғанын айтады. Сонымен қатар, абсанстар – балалар мен жасөспірімдерде жиі кездесетін эпилепсиялық ұстамалардың түріне жатады. Эпилепсияның этиологиясы Қазіргі уақытта эпилепсияны туындататын себептердің ішінде мидың зардапталуы мен тұқым қуалауға бейімділкің өзара әрекеттесуі маңызды орын алады. Тұқым қуалауға бейімділік . Тұқым қуалауға бейімділік тек бірнеше синдромдарда – аутосомды-доминанттық жолмен берілетін, түнде дамитын эпилепсия кезінде, қатерсіз неонатальдық құрысуларда ғана анықталған. Тұқым қуалайтын эпилепсиялық синдромдар нейрондардың сезімталдығын анықтайтын және иондық каналдардың құрылымына жауап беретін гендердің мутацияға ұшырауынан дамиды. Эпилепсияның көптеген түрлерінде полигенді тұқымқуалаушылық байқалады. Ал, тұқым қуалауға бейімділік электроэнцефалограмманың (ЭЭГ) көрсеткіштерінің өзгеруіне байланысты анықталады. Осындай ЭЭГ– дағы ауытулар генетикалық жүйенің түрлі эпилепсиялық өзгерістерге бейімделуін көрсетеді. Сонымен қатар, тұқымқуалауға бейімділік бірнеше деректермен нақтыланады. Осындай деректерге: вазомоторлық құбылмалылық, нейрондық ұйымдастырылудың дисонтогенетикалық бұзылыстары, жүктілкің 8-ші аптасында басталатын және фронталды- кортикалды микродисплазияны туындататын нейрондар миграциясының ауытқуы жатады. Сонымен бірге, эпилепсияның дамуында тежеуші және қоздырушы нейромедиаторлар алмасуының тұқым қуалайтын бұзылыстары да маңызды. Монозиготалық егіздердің осы ауру бойынша конкордантты (егіздердің тексеруге алынған белгілері бойынша ұқсастығы) болуы, эпилепсиямен ауыратын науқастардың популяциясына қарағанда жақын туыстары арасында ауру көрсеткіштерінің артуы (4%-ға жуық) эпилепсияның дамуында тұқым қуалайтын факторлардың маңызды рөл атқаратынын нақтылайды. Эпилепсиялық ауру неғұрлым кеш дамыса, оның пайда болуында тұқымқуалаушылық белгілердің байқалуы соғұрлым аз рөл ойнайды. жүктеу/скачать 2,08 Mb. Достарыңызбен бөлісу:
|