Қазақстан Республикасы Мектепке дейінгі тәрбие мен оқытудың жалпы білім беретін типтік бағдарламасы Астана 2015 Жоба Қазақстан Республикасы Білім және ғылым министрлігінің «Мектепке дейінгі балалық шақ»
Қоршаған ортамен таныстыру және экология негіздері
жүктеу/скачать 1,23 Mb.
|
Типтік бағдарлама
| Қоршаған ортамен таныстыру және экология негіздері
Көлік құралдары (жолаушы және жүк) және оның маңыздылығы, автокөлікті басқару, сонымен қатар жүк автомобилінің негізгі бөліктерін атап, ажырата білу туралы қарапайым білімдерді қалыптастыру. Жақын адамдарының туыстық байланыстары, жасы туралы ұғымдарды бекіту. Адамның денесінің құрылысы, түрлі жыныстағы адамдардың сыртқы түрі, олардың киімінің ерекшеліктері туралы білімдерін қалыптастыру. Адамның сыртқы дене және эмоционалдық ерекшеліктері, балаға жақын адамдардың кәсіптік әрекеттері туралы білімдерді бекіту. Заттарды қолдану белгілері бойынша топтарға біріктіру. Балалардың заттардың санын, кеңістікте орналасуын, қозғалыс бағытын сипаттай білуін жетілдіру. Сөйлегенде сәйкес үстеулер мен сын есімдерді қолдану. Заттарды пішініне, түсіне, көлеміне, қолданылуына байланысты іріктеп алып, топтастыру, қарама-қарсы, бүтін және бөлшекті белгілері бойынша олардың арасындағы қатынасын орнату, заттармен, материалдармен әрекет жасауды атауға, қарама-қарсы әрекеттерді ажырату дағдыларын жетілдіру. Табиғат ортасы Өсімдіктер әлемі Балаларды өсімдіктің, ағаштың негізгі бөліктерін меңгеруге, жапырақтардың түсіне, көлеміне, пішініне қарай ажыратуға, өсімдіктерге күтім туралы ұғымдарын қалыптастыруға, оларды күтіп-баптауға баулуға үйрету. Жануарлар әлемі Жануарлар денесінің кейбір бөліктерін ажырату және атау. Құстарға және олардың қылықтарына бақылау жасау. Балаларды аквариумдағы балықтарды, құстарды қоректендіруге үйрету. Табиғат құбылыстары Сыртқы белгілері және атаулары бойынша жыл мезгілдерін ажырату дағдыларын қалыптастыру. Табиғат құбылыстарына қызығушылық пен зейінділікке тәрбиелеу. Табиғаттағы жыл мезгілдерінің ауысуын және олардың ерекшеліктерін ажырата білу. Сенсорика Балалардың көлемі, пішіні бойынша біртекті заттарды топтастыру біліктерін, 2 қасиеті бойынша қарапайым ауыстыру қағидасымен 3 және біртіндеп саны азаятын бөлшектерден түрлі-түсті пирамидалар құрастыру, қалыптастыру (түсі мен нысаны, нысаны мен көлемі, көлемі мен түсі және т.б. бойынша). Әртекті заттарды түсі, түрі, көлемі бойынша салыстыра келе, мүмкін болатын 3-4 сенсорлық қасиетін таңдай отырып, сәйкестендіре білуді бекіту. Бейнелеу өнері, құрастыру әрекеті түрлерінде заттардың сенсорлық қасиеттерін ескеруге, заттар мен құбылыстардың сенсорлық қасиеті мен сапасын вариативті түрде қолдану біліктерін қалыптастыру. Құрастыру Құрылыс материалдарынан және ірі құрылыс бөлшектерінен құрастыру. Біліктерді қалыптастыру: - жиһаздың бөлек заттарын түрлі нұсқада құрастыру, екі-үш құрылысты (үстел және орындықтар, үстел және диван және т.б.) бірден жасау, құрастырудың ерекшелігін ескере отырып, материалдарды алдын-ала іріктеп алу; - құрылыс ауқымымен бірдей сюжетті ойыншықтарды қолданып жасалған қарапайым құрылыстарды атау және оларды ойнау, құрылысты бұзу және бөлшектерін қораптарға ұқыпты жинау. Қағаздан құрастыру Қағазбен жұмыс істеу - жұмарлау және жырту дағдыларын қалыптастыру, оларға кесектеліп жұмарланған және жыртылған қағаздан «бейне» көре алуға көмектесу. жүктеу/скачать 1,23 Mb. Достарыңызбен бөлісу:
|