Қазақстан Республикасындағы арнайы және инклюзивті білім берудің өзекті мәселелері

Нашар көретін балалар

Нашар көретіндер - 0,05-тен, 0,2-ге дейін жақсы көретін көзінде түзететін қарапайым көзілдірік арқылы көретіндер. Нашар көретіндерде көру қабілетінің өткірлігінің төмендеуімен қатар, көру қызметінін басқа салалары да бұзылуы мүмкін, мысалы: жарық пен түстерді сезінуі.

Тірек қимыл-қозғалыс аппаратында бұзылыстары бар балалар

Тірек қимыл-қозғалыс аппаратының зақымдалуы – бұл ерікті қимыл-қозғалыстың шектелуі. Бұл балаларда қимыл-қозғалыстың бұзылыстары психикалық және сөйлеу тілінің бұзылыстарымен қатар жүреді.

Психикасының дамуы тежелген балалар

Үлгерімі төмен балалар тобында 50% дейін ПДТ балалар кездеседі. ПДТ себептері ми қыртысының минималды, функционалды зақымдануы немесе балалардың ұзақ мерзімде әлеуметтік депривацияга ұшырауы т.б. Бұл балалардың эмоция- ерік сферасын, таным іс-әрекетінің дамуы, тежелуі, оның сапалы ерекшеліктері педагогикалық түзету шаралар арқылы орнына келуі, жөнделуі мүмкін.

Сөйлеу тілінде бұзылыстары бар балалар

Тіл кемістігі деп – сөйлеу қабілетінің психофизиологиялық механизмінің бұзылу салдарынан сөйлеушінің сөйлеу тілінің қоршаған ортаға тән мөлшерден ауытқуын айтады.

Мүмкіндігі шектеулі тұлғаларға «Кедергісіз аймақтар»

Инклюзивті сыныптарда физикалық ортаның келесі параметрлері ескерілуі қажет:

• Баспалдақтары бар орындарға пандустар орнату;
• екі жаққа кең ашылатын жарма есік және есіктердің ойықтары, бұл есіктердің ашылып, жабылу жылдамдығы;
• жиһаздарды таңдау;
• сыныптағы сөрелер, парталар мен үстелдердің биіктігі;
• жарықтандыру;
• ашық кеңістік;
• көңіл аудартатын факторлар;
• жаратылыстану бағытындағы пәндерде арнайы құрал-жабдықтардың қолжетімділігі;
• су ішетін құрылғылардың және мектеп ғимараттарының: ойын алаңдары мен спорт алаңдары, мектептің басқа корпустарының қолжетімділігі;
• қауіпті орындарды анықтау және шартты белгілермен көрсету.