Ќазаќстан республикасыныњ білім жєне ѓылым министрлігі

Зерттеу тақырыбының ішкі мазмұнын толық ашу осы мәселеге қатысты ғылыми еңбектер мен оқулықтардағы тұжырым, пікірмен танысып, жүйелеуді, көзқарастардағы қайшылықтар мен айырмашылықтарды талдап, топтастырып үйренеді.

Кітапхана, каталогпен жұмыс істеудің әдісін меңгеру. Студент тақырыптық, алфавиттік каталогтерден өзіңізге қажетті әдебиеттер тізімін жасап, олармен танысу, қажетті ақпаратты жинауды үйренуге тиіс. 1) Оқулық және ғылыми еңбектермен жұмыс. Оқулық және ғылыми еңбектердің мазмұнынан өзіңізге қажетті тақырыпты тауып, онымен танысу шолып оқудан басталады. Мұнан соң зерттеу оқу орын алады. Зерттей оқу барысында қажетті тұжырымдар бойынша конспект жасалады.

Конспект- оқитын материалдардың мазмұнына жазылған жүйелі, логикалық байланысы бар жазба түрі. Бұған жоспар, тезис, көшірмелер не осы жазбалардың екі түрі кіруге тиіс.

Жазбалар мен тезистерден конспектінің айырмашылығы, конспект оқылған материалдағы жүйені, бірізділікті сол материалда берілгеніндей мазмұндайды.

Конспект жасау үшін ең маңызды деген ақпарат алынады. Басты мәселе жолдан басталады. Конспектіде автордың фамилиясы, әдебиеттің аты, ол шыққан баспаның аты, мекен-жайы, уақыты, беті көрсетіледі.

Бір мәселеге қатысты әр түрлі зерттеушілердің пікірлерін салыстыра отырып, ұқсастықтары мен айырмашылықтарын, ерекшеліктерін жинақтайсыз. Белгілі бір мәселеге қатысты теориялық-ақпараттық негіздеме осы бағытта анықталып, тұжырымдалады. Бұл тақырыптың зерттелу тарихы мен оның даму бағыттарын анықтауға ммүкіндік береді. Ойды қарапайымнан күрделіге қарай дамыта отырып беру, тақырыптың өзге мәселелермен өзара байланысын анықтау, себеп-салдарлық қатынасты нақтылау зерттеу жұмысына тереңдік пен жан-жақтылық сипат береді. Бұл жерде парадигмалық және синтагмалық қатынастардың түрлерін анықтау ой алгоритмін дұрыс түзуге әкеледі.

Зерттеу әдістері

Зерттеу мақсатты түрде объектіні белгілі бір көзқарас тұрғысынан зерттеуді қамтамасыз ететін зерттеу тәсілдері мен іс-әрекеттердің жүйесі. Әдіс жалпы және жеке түрлерге бөлінеді.

Зерттеу жұмысын төмендегі үлгілер бойынша беруге болады:

Баяндама - берілген тақырып бойынша анықталған пікірлер мен тұжырымдарды жүйелеп беруі.

Мақала - нақты зерттеу тақырыбы бойынша ғылыми зерттеулерге талдау жасап, қорытынды беріледі. Сонан соң зерттеудегі өзінің аталған мәселеге қатысты көзқарасын ұсынып, оны дәлелдейді. Мақала соңында қорытынды тұжырымдар жасайды.

Реферат - алғашқы түпнұсқаның негізгі мазмұнының қысқа, ықшамдалған түрі. Реферат түпнұсқада көтерілген барлық мәселені қамтуға тиіс. Рефераттың өз құрылымы бар.

Реферет жасалатын құжат саласының не бөлімінің аты

Тақырыбы

Түпнұсқаның авторының аты-жөні, шығарған баспа, жылы (журнал болса аты және нөмірі)

Реферат жазылатын материалдағы басты ойды ықшамдап береді, оған өз пікірін қосуға болмайды.

Рефераттың мазмұны түпнұсқада берілген жүйемен, ізбен баяндалады.

Рефераттар ақпараттық немесе реферат-конспект болып және индикативтік немесе реферат-резюме болып бөлінеді. Алғашқысында барлық негізгі шығарылса, екіншісінде негізгі мәліметтерді санамалап қана айтып, бұл бойынша қорытынды дәлелдер келтірілмей-ақ беріледі.

Рефераттың екі түрі де бір түпнұсқа негізінде жасалынған монографиялық, не ортақ бір тақырыпқа біріктірілген бірнеше еңбектің мазмұнынан тұруы да мүмкін.

Бұлардың бәрі СӨЖ-дің сәтті орындалуына көмектеседі деген сенімдеміз.

Студенттің өз бетінше жұмысы оқулықта берілген материалдарды, білім қорын өз зерттеу жұмыстары негізінде жаңаша қорытындылап, кәсіби міндеттерді шығармашылық тұрғыда шеше алатын дағдыға айналдыруды мақсат етеді.Студент- белсенді, сыни ойлау қабілетіне ие жеке тұлға. Оның кез келген мәселеге қатысты өз пікірі, өзінің дербес шешімі болуға тиіс. Силлабуста ұсынылып отырған СӨЖ түрлері осы мақсаттарды ескере отырып құрылды