Қазақстан республикасының МӘдениет және спорт министрлігі т.Қ. ЖҮргенов атындағЫ Қазақ Ұлттық
жүктеу/скачать 0,5 Mb. Pdf көрінісі
|
БӨЖ-туралы-Ереже-СРО
|
4. БӨЖ ұсыну формалары БӨЖ түрлері мен формаларының мысалдары: ҚАЗАҚСТАН РЕСПУБЛИКАСЫНЫҢ МӘДЕНИЕТ ЖӘНЕ СПОРТ МИНИСТРЛІГІ Т.Қ.ЖҮРГЕНОВ АТЫНДАҒЫ ҚАЗАҚ ҰЛТТЫҚ ӨНЕР АКАДЕМИЯСЫ П 017 - 1.138 - 2022 №1 Баспа 03.03.2022ж. Білім алушылардың өзіндік жұмысын ұйымдастыру туралы ереже нормативтік құжат түрі Бет 5- 13 1) Реферат – әдебиеттерге міндетті түрде шолу жасай отырып, мәселені жазбаша мазмұндау немесе ғылыми жұмыстың, кітаптың мазмұнын талдай отырып баяндау. 2) Коллоквиум – оқу материалын меңгеру сапасын анықтау мақсатымен пәннің оқылған тақырыптары бойынша сұхбаттасу түрінде өткізілетін білім алушының өзіндік жұмысын бақылау формасы. 3) Эссе – сын, публицистика және сол сияқты т.б. жанрдағы өзекті мәселе бойынша өзінің жеке көзқарасының жазбаша түрдегі мазмұндамасы. 4) Мақсаттар ағашы – мәселені таңдап, деңгей бойынша мақсаттарын белгілеуді; барлық деңгейдегі тапсырмалар мен оларды орындау алгоритмін анықтауды; мақсатқа жету жолдарын анықтауды; жұмыс сапасының көрсеткіштері мен тапсырманы бақылау түрлерін таңдауды көздейтін тапсырма. 5) Таныстырылым – белгіленген мәселе бойынша негізгі қағидаларды слайд, бейнеролик және т.б материалдар арқылы көрсете отырып жасайтын ауызша баяндама. 6) Жағдаяттық тапсырма – әртүрлі жағдайлардың сипаттамасы мен оларға байланысты тапсырмалар тізімдемесі. 7) Іскерлік ойындар – білім алушының болашақ кәсіби қызметіне байланысты дағдыларды қалыптастыруға бағытталған және алдын - ала дайындық пен өз бетінше аяқтауды талап ететін кез - келген процестің имитациясы. 8) Рөлдік ойын – кейіннен талдау жасай отырып, жағдайдың қойылымында - имитациясында нақты рөлдерді орындау. 9) Топтық жоба – 3 - 5 білім алушыдан тұратын топтың жоба жасауына арналған тапсырма. 10) Жеке жоба – дайындық деңгейі жоғары білім алушылар үшін өзекті тақырып бойынша зерттеу жобасын әзірлеуге арналған тапсырма. 11) Глоссарий (тізбек сөздер) – берілген тақырып бойынша терминдер мен түсініктердің қысқаша анықтамасы. 12) Баяндама – тақырыптың негізгі ережелерін 3 - 5 минутта қысқаша баяндау. 13) Конспект – стандартты форматтағы 2 - 4 бет жұмыс дәптерінде негізгі түсініктерді көрсете отырып, берілген тақырыпты қысқаша сипаттау. 14) Кейс – топтық талдау барысында шешуді талап ететін жағдай. Топ проблеманы дербес талқылайтын және оларды шешу жолдарын әзірлейтін 3 - 4 адамнан тұрады. Шешу нәтижелері жалпы топта қорытынды есеп таныстырылымы түрінде беріледі. |