Қазақстан тарихы «Өзгеріс пен сабақтастық» концептісінің негізінде құрастырылған қысқа мерзімді жоспарлар жинағы Негізгі мектеп Назарбаев Зияткерлік мектептері Нұр-Сұлтан, 2019 ӘОЖ
жүктеу/скачать 1,57 Mb. Pdf көрінісі
|
| Қосымша 4
Ғұндардың мәдениеті Ғұндар тұрмысқа қажеттi заттарын негiзiнен былғары, жүн, киiз, ағаштан жасаған. Жазбаша деректер бойынша, олардың былғары киiмдерi мықты әрi ыңғайлы, жеңiл және әдемi болған. Көшпелiлердiң зергерлерi алтын әшекей жасау да тамаша жетiстiктерге жеткен. Олар бұйымның бетiне алтын түйiршiктердi дәнекерлеудi бiлген. Мұндай шеберлiктi зерлеу деп атаған. Бұйымға ширатылған ұзын сымды дәнекерлеп жапсырған. Әшекейлеудiң тағы бiр түрi безендiру кезiнде бұйымға сәндiк үшiн түрлi-түстi заттар жапсырған. Ғалымдар мұндай стильдi «полихромдық стиль» деп атаған. Ғұндар алтын, күмiс сияқты бағалы заттардан әшекей бұйымдарын жасаған. Ауқатты адамдардың зираттарынан алтын сырғалар, жүзiктер, әшекейлеп жасалған кемер белдiктер кездеседi. Бұйымдарды безендiру үшiн жабайы аңдардың бейнесi қолданылған. Тұрақты мекенжайлардан ұршық бастарының табылуы жүннен түрлi киiм тоқып кигендерiн көрсетедi. Ал үстем тап өкiлдерiнiң зираттарынан қымбат бағалы қытай маталары кездеседi. Рим тарихшысы Аммиан Марцеллин ғұндарды: «төзiмдi келедi. Күнi-түнi ат үстiнен түспейдi, сауда саттығын да ат үстiнде жүрiп жасайды, ат үстiнде iшiп жейдi, ат үстiнде қалғып ұйықтайды, тiптi түс те көредi» деп сипаттайды. Ғұндардың қалалары болған. Ғұн әмiршiсiнiң сарайы туралы Прииск былай деп жазады: «Бiз бiрнеше өзендерден өтiп, Аттиланың сарайы тұрған үлкен ауылға келдiк. Бiзге басқа жерлердегi сарайларға қарағанда оның тамаша сарай екенiн айтты. Сарай шеберлiкпен өңделген бөренелер мен тақтайшалардан салынып, әсем безендiрiлген. Биiк мұнаралар патша сарайының сәнiн келтiрiп тұр. Барлық үйлер түгелдей бөренелерден қиып салынған. Приискті аппақ тастан қаланған монша ерекше таңғалдырған. Қазақстан тарихы. Көне заманнан бүгінге дейін. 1-том. - Алматы: Атамұра, 2010. Жайнаков Е. Ұлы дала мемлекеттері. - Алматы, Аруна, 2010. Ежелгі Қазақстан. Қазақстан балалар энциклопедиясы топтамасы. - Алматы, Аруна, 2011. Көркемсуретті Қазақстан тарихы. I том. - Алматы, 2006. e.history.kz. https://e-history.kz/media/scorm/190/114/text/text.htm жүктеу/скачать 1,57 Mb. Достарыңызбен бөлісу:
|