Бұл ерекше қонақтарға арналған. Мұны кәдімгі асылған ет тамақтың орнына да ұсынуға болады екен. Қой етінен дайыналады. Атауы да тамақтың құрамына байланысты қойылған. Еті мен қарыны өз майына бірнеше сағат қайнатылып дайындалады. Оның ішінде пияз, болгар бұрышын, картоп қосуға болады.
Ұлттық тағамдардың тағы бірі – қарын бөртпе. Бұл тағамды кейбір жерлерде бұжы деп атайды. Ол да жаңа сойылған қой, болмаса марқаның еті, бауыры, жүрегі мен өкпесінен жасалады. Оларды ұсақтап турап, араластырады, оған пияз, ұн, тұз, қара бұрыш қосады. Бұның бәрін малдың қарнына немесе бүйенге толтырып салады. Аузын жақсылап түйреп, қазанға қайнатып пісіреді. Бұл тағам өте дәмді, себебі бүкіл еттің сөлі ішінде қалады. Піскен соң, қарынның аузын ашып, табаққа салу керек. Үстіне тұздық құю қажет.
Балқаймақ
Қазақ дастарханынан жие көрінетін осы сыпайылар тамағы кәдімгі қаймақтан жасалады. Жана тартылған қаймақты шағын ыдысқа салып, оны май болып сұйылып кетпейтіндей жағдайда баяу қайнатады. Қайнау сәтінде аздап бал, немес қант және ақ ұн сеуіп араластырып отырады. сәл суығаннан кейін кімге болсада ұялмай алдыеа қоюға болады. қазақ дәстүрінде Сары май, "балқаймақ" ақлақ жеген қонақтар бізге ет асып бермедің деп өкпелемейді. қайта жеңсік тағам бергені үшін ризалық білдіреді. Қайраткер этнограф Ө. Жәнібек балқаймақты түйе сүтінен қайнатып жасады деп жазған.
Емдік Балқаймақты дайындаудың өз ерекшелігі бар. Ол сырқаттың түріне байланысты. Мысалы, асқазан ауруын емдеу үшін таңертең ерте сауылған 10 л сиыр сүтін қызуы аз отқа жарты сағаттай шымырлатып қайнатады да, оған 700 — 800 гр сарымай, сонша таза бал, 10 гр ұнтақталған қызыл бұрыш қосып, әбден қоюланғанша қайнатады. Суыған соң эмалданған ыдысқа салып, салқын жерге қояды. Күніне үш рет 2 ас қасықтан, 1 ай ішеді.
