«ҚазМұнайГаз» ұлттық компаниясы» АҚ Құжаттың атауы: «ҚазМұнайГаз»
жүктеу/скачать 497,49 Kb.
|
- Бұл бет үшін навигация:
- 5.3.1.2. Тәуекелдерді (қауіпті және зиянды өндірістік факторларды) анықтау жөніндегі әдістемелік нұсқаулар
| 5.3. ЖОСПАРЛАУ
5.3.1. Тәуекелдерді (қауіпті және зиянды өндірістік факторларды) басқару 5.3.1.1. Өндірістік объектілерді еңбек жағдайлары бойынша аттестаттау жөніндегі әдістемелік нұсқаулар 5.3.1.1.1 Өндірістік объектілерді еңбек жағдайлары бойынша аттестаттау «Өндірістік объектілерді еңбек жағдайлары бойынша міндетті мерзімдік аттестаттау қағидаларына» сәйкес жүргізіледі және іс жүзінде жұмыс орындарында ЕҚжЕҚ бойынша тәуекелдерді (қауіпті және зиянды өндірістік факторларды) басқаруға арналған құрал болып табылады. 5.3.1.1.2. Жұмыс орындарын жағдай бойынша аттестаттау қызметкерлердің қатысуымен, бес жылда кемінде бір рет, сондай-ақ қайта жаңартылғаннан кейін, жаңғыртылғаннан кейін, жаңа техника немесе технология орнатылғаннан кейін өткізіледі. 5.3.1.1.3. Қолданыстағы заңнамалық талаптарға сәйкес ҚМГ компаниялар тобының ұйымдары жұмыс орындарына еңбек жағдайлары бойынша аттестаттауды қамтамасыз етеді. 5.3.1.1.4. Жұмыс орындарын еңбек жағдайлары бойынша аттестаттауды заңнамалық талаптарға сәйкес аккредиттелген мамандандырылған зертханалар жүргізеді. 5.3.1.1.5. ҚМГ компаниялар тобының жұмыс орындарындағы барлық ұйымдары еңбек жағдайлары бойынша аттестаттауға жатады. Жұмыс орындарын еңбек жағдайлары бойынша аттестаттау еңбек жағдайларының жай-күйін кешенді бағалауды, жұмыс орындарының жарақат қауіпсіздігін бағалауды және қызметкерлердің ЖҚҚ-мен қамтамасыз етілуін есепке алуды қамтиды. 5.3.1.1.6. Еңбек жағдайларын бағалау (қатерлерді бағалау) өндірістік орта мен еңбек процесі факторларын өлшеу және кешенді талдау негізінде жүзеге асырылады. 5.3.1.1.7. Қауіпті және зиянды өндірістік факторлардың параметрлерін өлшеу, еңбек процесінің ауырлығы мен қауырттылығының көрсеткіштерін айқындау, жарақаттануды бағалау және қызметкерлерді ЖҚҚ-мен қамтамасыз ету үшін ұйымдарда көрсетілген өлшеулер мен жұмыс түрлерін жүргізуге белгіленген тәртіппен аккредиттелген мамандандырылған зертхана тартылады. 5.3.1.2. Тәуекелдерді (қауіпті және зиянды өндірістік факторларды) анықтау жөніндегі әдістемелік нұсқаулар 5.3.1.2.1. Тәуекелдерді бағалау үздіксіз және жүйелі процесс болып табылады және бұрын анықталған тәуекелдерді ескере отырып, кезең-кезеңімен жүргізіледі. Жұмыс уақытында туындаған тәуекелдерді анықтау тәуекелдерді (қауіпті және зиянды өндірістік факторларды) бағалау үшін негіз болып табылады. Егер осы тәуекелдерді толығымен жою мүмкін болмаса, олардың жұмысшылардың денсаулығы мен қауіпсіздігі үшін қауіпті және (немесе) зиянды өндірістік факторын бағалау қажет. Бағалау негізінде қауіпсіздікті жақсарту үшін негізделген шешімдер қабылдауға болады. Жүргізілген тәуекелдерді бағалауды негізге ала отырып, басымдықтарды (дереу орындалатын, орта мерзімді перспективада және ұзақ мерзімді перспективада орындалатын) белгілеу қажет. 5.3.1.2.2. Қауіпті және зиянды өндірістік факторларды бағалау және басқару рәсімдерін қолдану «ҚазМұнайГаз» ҰК АҚ компаниялар тобында денсаулық сақтау және еңбек гигиенасы жөніндегі корпоративтік стандарттың (KMG-ST-3485.1-13) денсаулық үшін тәуекелдерді бағалау матрицасына сәйкес жүргізіледі, бұл олардың жұмыс орындарындағы қызметкерлерге ықпалын барынша азайтуға және өндірістік жарақаттану мен кәсіптік аурулар деңгейін төмендетуге мүмкіндік береді. жүктеу/скачать 497,49 Kb. Достарыңызбен бөлісу:
|