Гемофилия- тұқым қуалайтын ауру, көбіне ер балалар ауырады да, әйелдер (аналар) таратады.
Себебі: антигемофильді глобулиннің жетіспеуіне байланыстықанның ұюының төмендеуі.
Клиникалық айқындалуы: Ауру өте ерте, Баланың 2-3 жасынан басталып айқындалады.
Аурудың негізгі белгілері:
Жеңіл жарақаттардан кейін тоқтауы қиын, өмірге қатер төндіретін ұзақ қансырау.
Буындарға қан құйылу-гемартроздар. Қан жиі үлкен буындарға құйылады да, буын өзінің қызметін атқармай, қозғалыссыз қалады. Бұны анкилоз дейді.
Қанның жалпы анализінде-қанның ұю уақыты ұзарады.
Емдеу: жергілікті және организмге жалпы әсер ететін әрекеттер деп бөлінеді.
Жергілікті: жарақаттанған жерге қан тоқтататын препараттармен тампонада (тығыздау) жасау-қан тоқтататын губка, тромбин т.б. Сонымен қатар мұздық қою, стерильді таңғыш байлау, сынған жердегі сүйектерді қозғалтпау пайдаланады.
Жалпы: антигемофильді гаммаглобулин, плазма құю, криопреципитат, тікелей қан құю.
Күтім ерекшеліктері:
Баланың жеке дара өзіне лайықты күн тәртібі.
Жарақаттанудан сақтау үшін ата-анасымен, мұғалімдермен ағарту жұмысын жүргізу.
Жұқпалы аурулардан сақтандыру.
Ауыз қуысын сауықтандыру.
Баланың ауруы туралы анықтамасы болуы керек.
Тромбоцитопеняилық пурпура (Верльгоф ауруы) -көбіне еркек балалар ауырады.
Себебі: қандағы тромбоциттер санының төмендеуімен байланысты сапасының өзгерістері.
Клиникалық айқындалуы: Тері астына қан құйылу, денесінде, аяқ-қолдарында көгерген жерлердің пайда болуы. Көгерген жерлердің көлемі және түсі әр-түрлі.
Шырышты қабықтардан қан кету, көбіне мұрыннан.
Көкбауырдың ісініп, үлкеюі.
Қанның жалпы анализінде-тромбоциттердің азаюы-тромбоцитопения.
Емдеу: гематологиялық бөлімде өткізіледі.Ауырған балаға төсек режимі тағайындалады. Жергілікті қан тоқтату шаралары және жалпы организмге ететін емдеу-хлорлы кальций немесе кальций глюконаты, викасол, рутин, аскорбин қышқылы, аминокапрон қышқылы және т.б. Кейбір жағдайларда гармондар беріледі, спленэктомия өткізіледі
.Геморрагиялық васкулит (капилляротоксикоз, Шенлейн-Генох ауруы)-инфекциялық-аллергиялық ауру.
