Еріншек
-Жүр, Бақытжан, моншаға...
-Кір емеспін соншама...
-Жүр, түсейік бұлаққа...
-Не бар шаршап жырақта?
-Бұл не тұрыс сазарып, Керек қой бір тазалық. Құлағың кір, мойның кір, Жуынуды қойдың бір.
«Жүр» дегенге көнбесең, Үйде жуын онда сен.
Тұр Бақытжан есінеп,
«Жуынамын несін?» деп.
С.Әлімқұлов
|
«Өс, ұлан!»
Сау болсын десең, Он екі мүшең!
Ерте тұр! Құлақ түр! Тыңда сыр, Жапырақтар сыбырлар.
Күн нұрын күт! Таза ауа жұт!
Бойыңа құт!
Жүгір, желмен жарысып, Нұрға сылан,
Болып қыран Өс ұлан!
Ө. Тұрманжанов
|
Бұзық болған ағам
Оның дәмін татты...
Әкем менің биік Сембі талды иіп. Садақ жасап береді Бұтақтарын қиып.
Әкем менің әйбәт Бойында бар қайрат. Отын алып келеді, Балта жібін сайлап.
Әкем менің күшті, Еңбек етіп пісті.
Тындырады қайтсе Мойнына алған істі.
Әкем менің сондай! Болу үшін ондай Шынығуым керек Күндіз түні тынбай!
Е. Әбікенұлы
|
Тәліп деген бала бар
Күшігімен ойнайтын.
Өзі тағы қоймайды, Қатырады «ойбайды». Он мәнтіні жесе де, Құрсағы бір тоймайды.
Зар қақтырып талайды Шулатады маңайды.
Күштімін деп ойлайды Өзін батыр санайды.
Кетік-кетік тістері Көрінгенді тістеді. Итеріп ем сәл қатты Жалпасынан түскені...
Кеше көрдім Тәліпті Жұп-жуас боп қалыпты. Сөйтсем, биыл мектепке, Оқушы боп барыпты.
Е. Әбікенұлы
|
