әсерге белгілі бір әрекет түрінде жауап беруін тітіркенгіштік дейді. Осы қасиеті
арқылы қарапайымдар өз тіршілігін сақтай алады.
СҰРАҚТАР
1. Денесі бір ғана жасушадан тұратын ағзалар:
2. 1665 жылы микроскопты жасаған голландиялық ғалым:
3. Өсімдік пен жануарлардың туыстығына дәлел болатын біржасушалы жәндік:
4. Жасушасында хлоропластары бар қарапайым жәндік:
5. Амебалардың ірі түрінің бірі:
6. Денесінде бақалшақ болатын амеба:
V ТАРАУ. БІРЖАСУШАЛЫ ЖӘНДІКТЕРДІҢ ТІРШІЛІК ӘРЕКЕТТЕРІ
Біржасушалылар негізінен дайын органикалық заттармен (нәруыз, көмірсулар және май
тәрізді заттар) қоректенеді. Сондай-ақ олардың ішінде фотосинтез тәсілімен де
қоректенетіндері бар. Жарық жоқ көлеңке немесе қараңғы жерлерде эвгленаның жасыл
түсі жойылады. Ол жануар тәрізді дайын органикалық заттармен қоректенеді. Ол
органикалық заттардың түйіршіктерін жұтпайды. Заттардың судағы ерітінділерін
цитоплазманың сыртқы тығыздалған жарғақшасы арқылы сіңіреді.
