Жұмыс беруші – қызметкер еңбек қатынастарында жеке немесе заңды тұлға. Қызметкер өкілдері – кәсіптік одақтардың, олардың бірлестіктерінің органдары және қызметкер уәкілеттік берген өзгеде жеке және заңды тұлғалар. Жұмыс берушілердің өкілдері – құрылтай құжаттары немесе сенім хат негізінде жұмыс берушінің немесе жұмыс берушілер тобының мүдделерін білдіруге уәкілетті жеке және заңды тұлғалар. Еңбек жөніндегі уәкілетті мемлекеттік орган еңбек қатынастары саласындағы мемлекеттік саясатты Қазақстан Республикасының заңдамасына сәйкес жүзеге асыратын ҚР мемлекеттік органы. Кодекстің 8-бабында мәжбүрлі еңбекке тыйым салынған. Мәжбүрлі еңбек қандай да бір адамнан қандай да бір жаза қолдану қатерімен талап етілетін, оны орындау үшін бұл адам ерікті түрде өз қызметтерін ұсынбаған кез келген жұмысты немесе қызметті білдіреді. Мәжбүрлі еңбекке келесі жағдайында ғана жол беріледі: ҚР міндетті әскери қызмет туралы заңдарына орай талап етілетін;
азаматтардың ҚР заңдарында белгіленген әдеттегі азаматтық міндеттерінің бөлігі болып табылған;
жұмыс мемлекеттің органдардың қадағалаумен және бақылауменен жүргізілетін және жұмысты орындайтын адам жеке және (немесе) заңды тұлғалардың билігіне берілмейтін немесе тапсырылмайтын жағдайда қандайда да бір адамнан соттың заңды күшіне еңген үкіміне байланысты талап етілетін;
төтенше жағдайлар немесе соғыс жағдайында талап етілетін.
