студенттердіңпедагогикалық практикасы басталар алдындаәдістемелік жетекшілік жүргізеді, кеңес береді, тапсырмаларды орындауларына жағдай жасайды;
студент-практиканттардың сабақтарына және сыныптан тыс жұмыстарына
қатысады, дайындалуы мен өткізулеріне көмек береді;
педагогикалык практика бойынша бағыттаушы және қорытынды
конференциялар, қорытынды баға қоюға қатысады;
1 оқытушыға 25-тен 30-ға дейін студенттер бекітіледі.
Университет бойынша педагогикалық практика жетекшісі: - педагогикалық практика басталғанға дейін дайындау жұмыстарын
жүргізеді, қалалық білім беру басқармасымен және базалық білім беру мекемелерімен ұйымдастыру мәселелерін шешеді;
студенттердің педагогикалық практикасының өтілуі оқу жоспары, кестесі және бағдарламаларға сәйкес болуын қамтамасыз етеді;
студенттердің педагогикалық практикасының мазмұнының сақталуына және уақтылы ұйымдастырылуы мен өткізілуіне жалпы бақылау жасайды, педагогикалык практикалар бойынша бағыттаушы және қорытынды конференциялардың жұмыстарына қатысады, барлық практикалар бойынша жылдық есептерін құрастырады;
студенттердің практикасына жетекшілік еткен білім беру мекемелерінің педагогтарының төлемақысының құжаттарының уақтылы дайындалуын ұйымдастырады.
Факультет жетекшісі:
педагогикалық практиканы өткізуге дайындық жұмыстарына, бағдарлама дайындауға, бағыттаушы және қорытынды конференцияларды дайындауды және өткізуді ұйымдастырады;
практикаға жауапты арнайы және педагогика кафедраларының әдіскерлерінің қызметін реттейді және қадағалайды;
барлық курстар бойынша педагогикалық практикалардың нәтижелері туралы жалпы факультеттік қорытынды есеп дайындап, институттың оқу басқармасының кәсіби практикалар секторына тапсырады.
Диплом жетекшісі:
практикант бекітілген мекеменің практика жетекшісімен байланыс орнатып, диплом жұмысын орындаудың жұмыс бағдарламасын, кестесін жасайды;
оқу жоспарына сай диплом жұмысының тақырыбын құрастырады, практикантқа ғылыми-әдістемелік көмек көрсетеді;
практикант жұмысының нәтижесін бағалайды, жаңалықты ендіру актісінің болуына жауап береді.
