Билет мейіргер ісінің даму тарихы және философиясы. Кәсіптік этика мен деонтология
Медициналық мекемелердің негізгі түрлері
жүктеу/скачать 243,11 Kb.
|
Мейіргер ісі жауап
- Бұл бет үшін навигация:
- 3. Қабылдау бөлімінің құрылымы және оның негізгі қызметтері
| 2. Медициналық мекемелердің негізгі түрлері.
1) амбулатория (шағын поселоктың, өнеркәсіптік кәсіпорынның немесе ауылдық жердің тұрғындары үшін) немесе фельдшер-акушерлік пункт (ауылдық жерде); амбулаторияда ауруларды қабылдау тек негізгі мамандықтар бойынша жүргізіледі (терапевт, хирург, стоматолог, гинеколог); 2) ірі өнеркәсіптік кәсіпорындарда медициналық көмекті медико-санитарлық бөлім (МСБ) көрсетеді (онын кұрамына стационар, емхана, здравпункт, профилакторий кіруі мүмкін); 3) здравпункт - МСБ немесе емхананың кұрамдас бөлігі (кәсіпорындарда, құрылыстарда, жоғары және орта оқу орындарында), мұнда алғашқы медициналық көмектен жоспарлы санитарлы-гигиеналык әрі емдеу-профилактикалық шаралар жүргізіледі; 4) емхана - келген науқастарға, сондай-ақ үйде, аурулардың және олардың асқынуларының алдын-алу бойынша емдеу-профилактикалық шаралар жүргізіледі; барлық мамандық дәрігерлері қабылдайды; лабораторлық, диагностикалық және емдеу бөлмелері бар; науқастарды анықтау, квалифицирленген көмек көрсету, аурушылықты зерттеу, профилактикалық қарау, диспансеризация - аурулардың белгілі бір бөлігінің денсаулығын белсенді бақылау - бойынша жұмыс жүргізеді; 5) диспансерлер - белгілі бір аурумен сырқаттанатын адамдарды емдейді (онкологиялык, психоневрологиялық және т.б.); емдеу және алдын-алумен қатар патронаж (науқастарды үйінде жүйелі белсенді түрде бақылау), санитарлы-насихатты жұмыс жүргізеді; 6) жоғары квалифицирленген медициналық көмек керсететін мамандандырылған кенестік-диагностикалық орталық (көбінесе ірі көпсалалы ауруханаларда, медициналық университеттерде және т.б.); 8) жедел жәрдем станциясы тәулік бойы жұмыс істейді, тұрғындарға шұғыл кезде көмек көрсетеді; бригаданы шақыруға өзі баратын, өзі алғашқы көмек көрсететін және науқасты ауруханаға жатқызатын фельдшер басқарады; жедел жәрдем көлігіндегі казіргі кездегі құралдар стационарға дейінгі жолда шұғыл көмек көрсетуге және реанимациялық шаралар жүргізуге мүмкіндік береді. 3. Қабылдау бөлімінің құрылымы және оның негізгі қызметтері. Қабылдау бөлімі – тіркейтін, қабылдайтын, біріншілік қарау мен антропометрия жүргізетін, келіп түскен науқастарды санитарлы-гигиеналық өңдеуден өткізетін және квалифицирленген медициналық көмек көрсететін маңызды емдік-диагностикалық бөлімше. Қабылдау бөлімінің негізгі атқаратын қызметтері: * Науқастарды қабылдау және тіркеу; * Науқастарды дәрігерлік қарау; * Шұғыл медициналық көмек көрсету; * Стационарға госпитализацияға жіберілетін науқастардың бөлімшелерін анықтау; * Науқастарды санитарлы-гигиеналық өңдеуден өткізу; * Сәйкес келетін медициналық құжаттарды дайындау; * Науқастарды тасымалдау. Қабылдау бөлімшесі бірінші қабатта орналасады. Науқастарды қабылдауға арналған оқшауланған ыңғайлы есік болады. Қабылдау бөлімі Қабылдау бөлімшесінде келесілер орналасады: * күту залы; * бір немесе бірнеше қарау кабинеттері, * тіркеу бөлмесі (кезекші мейірбикенің кабинеті); * емшара кабинеті – шұғыл процедуралар жүргізіледі: асқазанды шаю, тазартқыш клизмасы және т.б. * изолятор; * санөткізуші (ванна-душ кабинеті); * лаборатория; * рентген-кабинет; * орап-таңу – операциялық бөлме- ұсақ амбулаторлы операцияларды жүргізуге арналған; * Ауруы белгісіз науқастар уақытша жататын бірнеше палаталар болады. Науқастарды қабылдау және тіркеу Қабылдау бөлімінде түскен ауруларды тіркеу және керекті құжаттарды толтыру жүргізіледі.Барлық медициналық құжаттарды қабылдау бөлімінің мейірбикесі толтырады:1. ф. №001/у.2. ф. №ООЗ/у.3. ф. №066/у4. ф. №058/у.5. ф. №060/у. Мейірбике науқасты қабылдау есебі журналына (001/у формасы) науқастың дене қызуын, аты-жөнін, туған жылын, күнін, кайдан және кіммен әкелінгенін, жіберген мекеменің диагнозын, қабылдау бөлімінінң диагнозын, қай бөлімшеге жіберілгенін белгілейді. Сонымен қатар, ауруханалық науқастың медкартасының сыртқы бетін (003 /у формасы). Сырқатнаманың төлқұжат бөлімін, ауруханадан шыққан науқастардың санақ картасының сол жақ (066/у ) жартысын, педикулез немесе басқа да жұқпалы ауру анықталғанда СЭС - ке шұғыл хабарлама (058/у формасы) ,060/у формасы-жұқпалы ауруларды тіркеу журналы толтырады. 4. Ойылу туралы түсінік. «Ойылу» анықтамалары. Ойылудың пайда болуына әкелетін негізгі және басқа да факторлар. Ойылу – тері асты шел қабатының және жұмсақ тіндердің ұзақ қысылуынан, жергілікті қан айналымының бұзылуынан пайда болатын терідегі дистрофикалық, жаралы некротикалық өзгерістер немесе жұмсақ тіндердің өліеттенуі. Ойылу пайда болатын жерлер: шығыңқы сүйектер, яғни - науқас шалқасынан жатқанда: шүйде, жауырын, омыртқа жоталары, шынтақ, сегізкөз, құйымшақ, үлкен ұршық, өкше; - науқас етбетімен жатқанда: бет сүйектері, бұғана, жамбас астауының алдыңғы беті, тізе, тобықтың сыртқы бөлігі. Ойылудың пайда болу себептері: .Мейірбикенің дұрыс күтпеуі; - ауыр халдегі науқастардың ұзақ уақыт бір бағытта жатуы; - дымқыл, ластанған төсек орындар мен іш киімдер; - төсектегі бүктемелер және тағам қалдықтары; - кірлеген тері. Ойылудың белгілері: 1-ші кезең белгілері: эпидермис пен тері қабаттары зақымданады. Тұрақты гиперемия қызыл-көкшіл дақтармен сипатталады. Гиперемия қысым тоқтағаннан соң кетпейді. Терісі қызарып, ісіп, қабыршықтанады. Жүргізілетін шаралар: - теріні антисептикалық ерітіндімен өңдеу (камфора спиртінің 10% ерітіндісі, 70% спирт пен жартысы су, 40% спирт пен сулы сабынды ерітіндісі); - ойылуға қарсы дөңгелектер, жастықшаларды қолдану. 2-ші кезеңнің белгілері: тері жамылғыларының беткей бұзылулары тері асты май қабатына дейін барады. Қызыл-көкшіл дақтармен тұрақты гиперемия сақталады. Эпидермис ажырап, күлбір пайда болады. Сужауыр дамиды. Жүргізілетін шаралар: - сужауыр айналасын антисептик ерітіндісімен өңдеу; - сужауырға бриллиант көгінің 1-2 % спирттелген ерітіндісін жағу, - құрғақ таңғыш қою (таңғыш күніне 2-3 мәрте ауыстырылады). 3-ші кезеңнің белгілері: бұлшық ет қабатына дейін барлық қабаттарының зақымдануы байқалады. Күлбір жарылып, жауыржара дамиды. Жүргізілетін шаралар: - шіріген тіндерді хирургиялық жолмен алып, жараны асептикалық ерітінділермен жуу; -майлы таңғыш (1% синтомицин эмульсиясы, Вишневский майы) қою (таңғыш күніне 2-3 мәрте ауыстырылады). 4-ші кезеңнің белгілері: терінің, тері асты торшасы мен басқа да жұмсақ тіндердің, бұлшық еттердің, ауыр түрінде сүйектерге дейін зақымдану байқалып, некроз (шіру) дамиды. Жүргізілетін шаралар: - некроз тоқтағаннан кейін, хирургиялық жолмен өлген тіндерді алып тастау, жараға асептикалық ерітінділермен таңғыш қою(таңғышты күніне 2-3 рет ауыстырады); -ірің болған жағдайда антисептиктер ерітіндісімен (3% сутегі асқын тотығы) өңдеу, жараны толығымен тазалап, майлы таңғыштар қою. Ойылуды болдырмау үшін оның алдын алу шараларын дұрыс жасау қажет. Оның негізгі алдын алу шаралары: - Егер пациенттің жағдайы жараса, оның жату (етбетінен, шалқасынан, оң қырынан, сол қырынан т.б.) қалпын күніне бірнеше рет өзгерту керек. - Құнарлы тамақтану және жеке бас тазалығын сақтау. - Науқасқа төсекті тегіс, жайлы етіп дайындау (төселетін ақ жайманың тігісі, қыртысы болмауы). - Тері тазалығын сақтау. - Тері ылғалдылығын төмендету. - Науқастың төсегін күніне бірнеше рет сілкіп кайта салу керек. - Төсек жапқыш пен іш киімінің бүктеліп қалмауын қадағалау керек - Терісін жылы сумен жуу немесе антисептикалық ерітінділердің біреуімен сүрту: камфора қоспасы, камфора спирті, одан кейін құрғатып сүрту керек. - Терінің гиперемиясы (қызаруы) болған кезде, белгілі бір жердің қан айналысын жақсарту үшін теріні құрғақ сүлгімен сүрту немесе кварцтау керек. - Терінің суланып тұрған жерін суық сумен сабындап жуып, спиртпен сүртіп,ұнтақ себу керек. жүктеу/скачать 243,11 Kb. Достарыңызбен бөлісу:
|