Білім беру бағдарламасы ЖҰмыс дәптері нұр-Сұлтан, 2022
жүктеу/скачать 13,39 Mb.
|
Жұмыс дәптері Қазақ тілі Т1 ПИБ
- Бұл бет үшін навигация:
- Стратегия Мұғалім Оқушы
- 4-стратегия
- 5-стратегия
- Тапсырма. 1-қадам.
- Бөлім
- 3-қадам.
|
1-қадам.Кестедегі стратегиялармен танысыңыз. Берілген стратегияларды өз тәжірибеңізде қалай қолдануға болатынын түсіндіріңіз: мұғалім, оқушы, сыныптас тұрғысынан қарастырыңыз. 2-қадам. Қалыптастырушы бағалаудағы проактивті мұғалім қызметін әріптестеріңізбен талдап, қалыптастырушы бағалауды жүргізудегі мақсат, жоспар, әрекет ету қадамдарын ұсыныңыз.
Тапсырма. 1-қадам. Мәтіннен негізгі ойды анықтаңыз. Мәтінде көтерілген мәселені анықтаңыз. Алаш зиялылары тіл мәселесін не себепті қозғаған? Бүгінде тіл мәселесі қаншалықты өзекті? Өз пікіріңізді 3 мысалмен дәлелдеңіз. Мәтінде ұсынылған мәліметтер мен пікірлерді өз сөзіңізбен қайта жазыңыз. Бөлім: Қазіргі қоғам құндылықтары: мәдениет және өркениет Оқу мақсаты: 10.2.5.1 мәтіндегі негізгі ойды анықтау, көтерілген мәселеге баға беріп, мәліметтер мен пікірлерді өңдей білу 2-қадам. Оқушыларға оқу мақсаты мен бағалау критерийлерін құрудың жолдарын ұсыныңыз. Сыныптағы тиімді өзара әрекеттестікті қалыптастыруда аудиал, визуал, кинестетик оқушылардың қажеттілігін қалай қанағаттандырасыз? Тапсырма алгоритмі бойынша кері байланысты қалай қамтамасыз етесіз? Оқушыларды өз білімінің құраушысы ретінде қалыптастыру үшін оқуға тарту жолын ұсыныңыз. 3-қадам. Қалыптастырушы бағалаудағы проактивті мұғалім болу үшін сабақтың басы, ортасы, аяғында қолдануға болатын тиімді әдістерді ұсыныңыз. Алаш зиялылары және ұлт тілі Алаш зиялыларының саяси және рухани күресінің негізгі мақсаты ұлтымызды ұйыстыру, сол арқылы елдігімізді айқындау болды. Әрине, осындай ұлан-ғайыр сауапты істің аясында ана тілімізді сақтау мәселесі тұрды. Алаш қайраткерлері тілдің саяси, қоғамдық һәм рухани үлкен күш, ұлтты біріктіруші қуатты құбылыс екендігін жақсы сезінді. Сондықтан да Алаш сияқты аса ірі қозғалыстың рухани тінін де қазақ тілі мәселесі ерекше орынға ие болды. А.Байтұрсынұлы: «Өз тілімен сөйлескен, өз тілі мен жазған жұрттың ұлттығы еш уақытта, адамы құрымай, жоғалмайды. Ұлттың сақталуына да, жоғалуына да себеп болатын нәрсенің ең қуаттысы – тіл», – деп, ұлттық рухтың, болмыстың негізі де, арқауы да тіл екендігін алғаш аңғартты. Ахаңның осы сөзіне орайлас пікірлерді Алаш зиялыларының көпшілігі білдірді. Айталық, Ғұмар Қараштың «Тілді сақтауға мүмкін болғанда, тіл сақталуға тиіс. Біз тілімізді қанша сақтасақ, ұлтымызды да сонша сақтаған боламыз»; Мұстафа Шоқайдың «Ұлттық рухтың негізі – ұлттық тіл»; Халел Досмұхамедұлының «Ана тілін жақсы біліп тұрып, бөтенше жақсы сөйлесең, бұл – сүйініш; ана тілін білмей тұрып, бөтенше сөйлесең, бұл – күйініш. Өз тілін білмей тұрып, жат тілге еліктей беру – зор қате. Бұл оқығандардың һәм оқушылардың есінен шықпауы керек»; Мағжан Жұмабаевтың «Ұлттың ұлт болуы үшін бірінші шарт – тілінің болуы» деген жанашыр ойлары – біздің заманымызға үндес, өзекті пікірлер. Егемен елдің, дербес мемлекеттің мемлекеттік тілі бола тұра, тіліміздің өзінің тұғырына толық қонбай жатқанын ескерсек, Алаш зиялылары өсиетінің бағасы да, маңызы да еселеп артады. Алаштықтар ана тілін ұлт болмысының басты бөлшегі ретінде қарастырып, әсіресе жас ұрпақ тәрбиесінде алатын орнына ерекше назар аударды. Қазіргі кезде ана тіліміз өрісті тақырыптардың біріне айналып отырса, олардың алғашқы үлгілерін дүниеге келтірген де Алаш қаламгерлері болатын. А.Байтұрсынұлының «Туған тілім», М.Жұмабаевтың «Қазақ тілі», С.Торайғыровтың «Туған тіліме» өлеңдері – қазақ әдебиетіндегі тіл тақырыбында жазылған тұңғыш көркем туындылар еді. Алаш қайраткерлерінің тіл турасындағы осы көкейкесті ойлары азаттық алған бүгінгі қазаққа да жолбасшылық етуде. (Ербол Тілешовтің «Алаш зиялылары және ұлт тілі» мақаласынан) жүктеу/скачать 13,39 Mb. Достарыңызбен бөлісу:
|