Өзін - өзі бақылауға арналған сұрақтар
1. Қызметкерлерді басқару әдістері
2. Көшбасшылық дегенміз не?
3. Еңбекті ынталандыру дегенміз не?
4. Қызметкерлерді экономикалық басқару әдістері
5. Еңбек ақы төлеу жүйесі
Пайдаланылған әдебиеттер тізімі
1. Кәсіпкерліктің жедел курсы/ ісін жаңа бастаған кәсіпкерлерге арналған. Т.В. Иссык, Г.Е.Касенова, И.А.Леонтьева, Ж.Д.Серікбаева, Д.Ж.Тшенсовская, С.А.Филин, А.З.Чивазова, Алматы, 2013. -234 б.1.
2. Сейдахметов А.С., Елшібекова Қ.Ж., Измаханова А.Қ. Кәсіпкерлік. Оқулық. Алматы, 2011ж.
3. Кәсіпкерлік. Оқу құралы: Елшібаев Р.Қ.- Алматы: Экономика. 2014. – 440 б.
8-тақырып. Кәсіпкерлік қызметті қаржыландыру
Дәрістің мақсаты: кәсіпкерліктегі қаржы ұғымы және оның мәні, қаржылық талдау және кәсіпорынның қаржысын үйлестіру, қаржы ресурстарын тарту түрлері, қаржы ресурстарын басқару әдістері туралы мағлұмат беру.
Негізгі терминдер – қаржы, қаржыны тарту көздері, қаржылық талдау, қаржыны басқару, қаржыны жоспарлау, қаржыны үйлестіру, қаржылық коэффициенттер.
Дәріс сұрақтары:
1. Бастапқы капитал, бюджет
2. Бизнеске қажетті қаражат тарту әдістері
3. Ақша қаражаттарының ағыны
4. Шағын және орта бизнестегі бухгалтерлік есеп
5. Банктік несие, несиені есептеу жолдары
1. Бастапқы капитал – бұл өз ісіңді бастау үшін қажет болатын қаражат.
Бастапқы капиталдың қажеттілігін қалай анықтауға болады?
Бастапқы капиталға қажеттілікті анықтау үшін бизнестің қажеттілігін түсіну қажет. Ғимарат, құрал-жабдық, автокөлік алу үшін қажетті қаражатты санағаннан кейін, Сіз ұзақ мерзімді инвестиция деп аталатын бастапқы капиталдың бөлімін анықтайсыз. Ұзақ мерзімді болу себебі – ол ақша бірден қайтарылмайды, оның орнын толтыру үшін айтарлықтай уақыт қажет болады.
Жеке кәсіпкерлер үшін – оның жеке қаражаты мен жеке басының жинақ ақшасы, жеке мүлігі (үй-жай, жабдықтар, көлік)
Заңды тұлға үшін – оның құрылтайшылармен расталған жарғылық капиталы, көбінесе бұл үлескерлік қаржыландыру.
Достарыңызбен бөлісу: |
