2-тапсырма Жобаның анықталған мақсатты аудиториясын ескере отырып, өз стартапыңыздың құндылығын жеткізу арналарын көрсетіңіз. 3-тапсырма Өз стартап топтарыңызда жұмыс істей отырып, өз университетіңізде немесе колледжде іліп қоюға болатын өз өніміңіздің жарнамалық плакатын жасаңыз. Сіз келесі ұсыныстарды пайдалана аласыз: - өз стиліңізді ойлап табыңыз; - мәтін мен иллюстрация балансын сақтаңыз; - ақпаратты және суреттерді визуалды блоктар түрінде орналастырыңыз; - назар аударту үшін жарқын түсті шешімдерді пайдаланыңыз; - "айқайлап" тұратын суреттерді, мысалы, суреттен қарап тұрған адамның бетін, атмосфералық фотосуреттерді және т. б. пайдаланыңыз; - байланыс деректеріңізді көрсетуді ұмытпаңыз. 4-тапсырма Олардың негізгі өнімі мен мақсатты аудиториясын ескере отырып, аталған компаниялар үшін қандай маркетингтік шешімдер ұсынар едіңіз: Француз нан өнімдерінің кондитерлігі
Интернет-маркетинг арнасын таңдағанда, өзіңіздің мақсатты аудиторияңызға және өніміңізге сүйену керек. Сіз өз клиентіңіздің портретін қалай құрғаныныңызды және оған есім бергеніңізді есіңізге түсіріңіз (мысалы, Серік). Өзіңізге сұрақ қойыңыз: Серік ақпаратты қалай іздейді? Қандай сайттар мен әлеуметтік желілерді ұнатады? Сіз бұл туралы әлеуетті клиенттеріңізден тікелей сұрай аласыз немесе Интернеттегі статистикалық ақпаратты қарауға болады.
Сіз сондай-ақ өзіңізді клиентіңіздің орнына қоя аласыз. Мысалы, сіздің жаңа терезе қойғыңыз келді. Сіз не істейсіз? Интернеттте іздеу терезесіне "терезе орнату" деп жазып, бірнеше сайтқа кіруіңіз мүмкін. Сайтта сіз материалдар, дайындау мерзімі туралы ақпараттың қайда жақсы көрсетілгенін, онда сізге сәйкес келетін оңтайлы нұсқаны таңдай аласыз. Сондықтан терезелерді сату үшін оңтайлы онлайн-алға бастыру арнасы сайт болады және онымен бірінші кезекте айналысу керек: контентпен және дизайнмен жұмыс істеу, оны іздеуді оңтайландыру қажет. Егер сіз балмұздақ сатсаңыз, сайт қажет емес – сіз ешуақытта балмұздақ өндірушінің сайтына кіріп, оның құрамын немесе технологиясын іздеп оқыған жоқсыз ғой. Сондықтан балмұздақ өндіруші үшін балмұздақтың фотосуреттері, балалардың мәз-мейрам болған жүздері және т. б. бейнеленген әлеуметтік желілер қолайлы. Егер сізде техникалық қызмет көрсету бекеті (ТҚКБ) болса, онда клиенттердің сізді әлеуметтік желіден немесе сайт арқылы іздемейтіні анық. Олар жай ғана 2GIS немесе OLX "ТҚКБ" деп жазады. Сондықтан сіз осындай сервистерде ұсынылуыңыз туралы алаңдауыңыз керек.
