Шашырау. Бұл процесс дерма коллагенімен сипатталады. Шашырау құбылысының маңыздылығы – оның хромоформ- мишень арқылы жұтылуға дайын энергия ағынының тығыздығын жылдам төмендетіп, ұлпаға клиникалық әсе
Шашырау. Бұл процесс дерма коллагенімен сипатталады. Шашырау құбылысының маңыздылығы – оның хромоформ- мишень арқылы жұтылуға дайын энергия ағынының тығыздығын жылдам төмендетіп, ұлпаға клиникалық әсерін де өзгерту.
Ену. Жарықтың теріасты құрылымдарына ену тереңдігі шашырау интенсивтілігі секілді толқын ұзындығына байланысты. Қысқа толқындар (300-400нм) интенсивті шашырап 100 мкм-ден астам тереңірек кірмейді. Ал ұзын толқындар тереңірек енеді, себебі олар аз шашырайды.
Жоғары интенсивті сәулелену лазерлік хирургияда теріні қайта қалпына келтіру, жою, шырамды жою, тері жасарту және эпиляциялау үшін қолданылады.
Лазерлік эпиляция кез келген жердегі қажетсіз шаштарды жоюға мүмкіндік бере отырып, шаштың фолликулдарын ыңғайлы және ауырсынусыз түрде жояды. Денедегі шаштар өсудің әр түрлі кезеңдерінде болғандықтан, оларды толық жою үшін 1-3 ай аралығындағы бірнеше процедуралар жасау керек. Лазерлі дермабразия эпидермистің жоғарғы қабатын алуды қамтиды, сондықтан ол теріні жасартуға, тыртықты өңдеуге, татуларды жоюда, акненің күрделі формасымен науқастарды емдеуде кең қолданылады.
Лазерлі терапияның жоғары тиімділігіне қарамастан, ол қант диабеті, гипертония, тиреотоксикоз, онкологиялық аурулар, стенокардия, қан аурулары және психикалық ауруларды қамтитын бірқатар маңызды көрсеткіштерге ие. Кез-келген жағдайда, дерматологиялық лазерлі терапияны кәсіби дәрігерлер ғана жүзеге асырады, олар міндетті түрде процедура алдында кеңес береді.
ҚОРЫТЫНДЫ
Биологиялық ұлпаларға жоғары интенсивті лазерлік сәуле әсері түрліше болып келеді. Лазер сәулесінің биологиялық ұлпалармен әсерлесуінің сипатына қарай оның фотобиологиялық әсерін үш түрге бөлуге болады. Лазерлер қасиеттеріне байланысты медицинаның түрлі салаларында пайдаланылады, мысалы хирургияда, косметологияда, терапияда, диагностикалауда және т.б салаларда. Сонымен қатар алып келетін теріс көрсеткіштері бар.
