Мақсаты: қоршаған ортаның қолдауын сезіне білу, өз-өзіне сенімділігін арттыру, адамдармен жақсы қарым-қатынас орнату.
Жүргізілу барысы: шеңбер бейнеленген парақ. Шеңберден нөмірлермен бейнеленген стрелкалар көрсетілген. Ол ең алдымен шеңбер ортасына өз есімін жазып қоюы керек. Ары қарай әрбір стрелкаға парақтың артқы жағында берілген сұрақтарға өз ойын жазып шығады. Бұл әдістеме оқушыны өз қоршаған ортасы, іс-әрекеті, қылықтары жайлы ойлануға мүмкіндік береді. Сондай-ақ сізге де қажетті мәліметті алуға көмектеседі.
«ОТБАСЫ СУРЕТІ»
Интерпретация жасаудың ережелері. 1. Сурет салып болғаннан кейін, «қай жерде кімнің орналасқаны және кім немен айналысуда» деп сұраңыз. «Ағамды салуды ұмытып кетіппін», «әкем симай қалды» деген сынды сылтаулардың маңызы жоқ. Егер отбасы мүшелерінің біреуі суретте салынбаса, ол мынаны білдіреді: сол адамға деген жағымсыз, эмоциялық күйді сезіну. Мысалы: кіші інісін қатты қызғану, баланың ойы бойынша: «Мен інімді жақсы көруім керек, ал ол менің ашуыма тиеді, бұл дұрыс емес. Сол себепті, оны мүлдем салмағаным дұрыс». Суретте салынбаған кісіге, бала ешқандай эмоциялық сезімдерді сезінбейді. 2. Суретте автордың өзінің болмауы. Жақындарымен қиындықтардың болуы: «Мені мұнда ешкім елемейді», «Мен өзімді шектетулі сезінемін», «Маған өз отбасымнан орын табу қиын». Бала отбасынан алшақтай түседі: «Мені отбасы мүшелері қабылдамайды, солардың қалауы болсын».
3. Суретте – ойдан шығарған отбасы мүшесінің салынуы. Бала отбасында алмаған сезімді толықтырғысы келеді. Балалар жиі (құстың, жануарлардың) үйде тұрмайтын жануарлардың, құстың суретін салады, олар ата-аналары бермеген махаббатты, көңілді қажет етеді. Біреуге қажетті болуды сезінгісі келеді.
4. Суретте салынған кейіпкерлердің көлемінің көрсеткіші. Бала үшін олардың құндылықтарын көрсетеді. Баланың көзқарасы бойынша, адам беделді болса, ол үлкен болып салынады. Кішкентай балаларға көп жағдайда, өзінің кейіпкерін салуға берілген парақ аздық көрсетіп жатады.
