Антибиотиктерді өз еркімен жиі пай­далану ағзаның микробтарға қарсы препараттарға төзімділігін (резистент­тілігін) арттырып, антибактериалды дәрілік заттардың инфекциялық ауру­ларға қарсы тиімсіз болу

Антибиотиктерді өз еркімен жиі пай­далану ағзаның микробтарға қарсы препараттарға төзімділігін (резистент­тілігін) арттырып, антибактериалды дәрілік заттардың инфекциялық ауру­ларға қарсы тиімсіз болуына әкеліп соғады.

Дәрігер антибиотиктерді қолданғанда оның сапасына да ерекше мән беру керектігін айтады. Оның ішінде түпнұсқа дәрілерді пайдаланған жөн. Алайда,  қазір дженериктер өтімді болып тұр. Ал дженерик дегеніміз — патенттік мерзімі аяқталған дәрілердің өндірісі. Мәселен,  дәрі жа­сап шы­ға­ру­шы жаңа дәрі ойлап тапқанда, оны  ал­дағы жиырма жыл ішін­де өндіріп, сатуға тыйым салатын па­тентті иеленеді. Сөйтіп, түпнұсқа дәрілерді шығарады. Ал  жиырма жыл­дан соң патент мерзімі аяқталып, дәріні шы­ғаруға басқалар да мүмкіндік алады. Сөйтіп, дәрінің формуласы өзгереді. Технологияны жетілдіруге көп шығын жұм­салмай­тын­дықтан, әлгі дәрі дәл сондай са­памен шықпауы ықтимал. Бірақ дженериктердің бағасы сәл арзан. Түпнұсқа дәрілерді Ұлыбритания, Швейцария, Голландия елдері шығарса, дженериктерді өндіруде Қытай мен Үндістан алда келеді.