ГЛОССАРИЙ
Автономия-тәуелсіздікке ұмтылу, барлығын өзінше жасау әр уақытта адамды алға сүйрелейді.Ұйым шеңберінде онымен санасуға мәжбүр ететін жоғары қызмет, бедел, мәртебе, марапат арқылы жетеді.
Адамстың әділдік теориясы-адам уәждемесіне едәуір дәрежеде оның ағымдағы іс әрекеті мен нәтижесін өткен уақытпен,ең бастысы, басқа адамдардың жетістіктерімен салыстыра отырып, әділ бағалау.
Атқарымды біліктілік-адам өз ісінде жақсы маман болуға және ең күрделі мәселелерді шешуге тырысады.Бұл үшін ол кәсіби өсуге ынталы, лауазымдық өсу кәсіби өсудің айнасы арқылы іске асады.
Аттестациялау негізі - істелінген жұмыс пен негізгі іс-әрекеттердің нәтижелерінің түсіндірмесі.
Ауыспалы жалақы жүйесінің ерекшелігі - жұмыскердің алатын өтемақы деңгейі ұзақ мерзімге тұрақты болмайды, әр түрлі факторлардың әсерінен, бірінші кезекте жұмыстың нәтижелеріне байланысты өзгеріп тұрады.
Әлеуметтік дамуды басқарудың кіші жүйесі - қоғамдық тамақтандыруды ұйымдастыру, тұрғын үй тұрмыстық қызмет көрсету және мәдениет пен дене шынықтыру тәрбиесін дамытуды басқару, денсаулық сақтау және демалыспен қамтамасыздандыру, әлеметтік келіспеушіліктер мен келеңсіздіктерді болдырмауды басқару, азық-түлік өнімдері мен халық тұтынатын тауарларды сатуды және әлеуметтік сақтандыруды ұйымдастыруды орындайды.
Әлеуметтік-психологиялық аспект-персоналды басқаруда әлеуметтік-психологиялық қамтамасыз етуді, жұмыс істеу тәжірибесіне әр түрлі әлеуметтік және психологиялық рәсімдерді енгізуге байланысты мәселелерді қарастырады.
Әлеуметтік-психологиялық әдістер-еңбек ұжымында кездесетін жеке қарым-қатынастар байланыстарға әсер ететін арнайы әдістердің жиынтығы.Көп жағдайда жетекшінің дайындығы, жете білім деңгейі,ұйымдастырушылық қабілеті мен психология саласындағы білімдерімен анықталады.
Әңгімелесудің мақсаты-үміткердің тамаша қызметкер бейнесіне сәйкестік дәрежесін анықтап, оның қызметтік нұсқаулар талаптарын орындау қабілеттілігін, кәсіби өсу және даму әлеуетін, ұйымда бейімделу қабілетін, еңбек ету шарттарын орындау, жалақы төлеу мәселелерімен келісетінін анықтау.
Бағалаудың жүйелік критерийлері - жүйелі бағалау, жүйесіз бағалау.
Достарыңызбен бөлісу: |
