Негіздік (базальды) ядролар. Ми сыңарлары бетіндегі сұр қыртыстан басқа оның қабатында тағы да негіздік немесе қыртысастылық сұр зат жиындары жатады. Негіздік ядролардың 3 жиыны бар: 1) Жолақ дене, 2) Шарбақ, 3) бадамша тәрізді дене.
1.Жолақ дене, corpus striatum, бір - бірінен толық бөлінбеген 2 бөліктен тұрады: 1) құйрықты ядро, nucleus caudatus, 2) жасымық тәрізді ядро, nucleus lentiformis. Құйрықты ядро жасымық тәрізді ядродан жоғары және ортаға жақын жатады, одан ақ заттан тұратын ішкі қапшықпен (капсула) бөлінген. Оның жуан басы, денесі, құйрығы бар. Құйрықты ядро медиалды артқы жағынан таламусқа жанасып, одан ақ затпен бөлінген, ал алдыңғы, артқы жағынан оның басы алдыңғы тестелген затқа жетіп, сол жерде жасымық тәрізді ядромен қосылады. Екі ядроның қосылуынан ақ зат будалары арасында сұр жолақтар пайда болады, сондықтан « жолақ дене» д/a.
Достарыңызбен бөлісу: |
