Эфферентті (төмендеген) өткізгіш жолдар. Ми қыртысынан қыртыс-ядро және қыртыс - жұлын (пирамидалық жүйе), алдыңғы мидың қыртысасты ядросынан (экстрапирамидалық жүйе) және мишықтан шығады.
Қыртыс- жұлын немесе пирамидалық жүйе. I-ші нейрон денесі үлкен ми қыртысының орталықалды қатпарында жатады (алып пирамидалық жасушалар). Оның аксондары бірнеше құрылым арқылы сопақша миға түседі, талшықтардың бір бөлігі бассүйек нервтері ядроларымен байланысты. Бұл қыртыс – ядро жолы деп аталады. Оның бір бөлігі екінші жағына ауысады, басқасы өз жағында қалады. Бассүйек нервтері ядроларында жататын жасушалар аксондары сәйкес нервтер құрамында, нервтендіретін қаңқа бұлшық еттерінде аяқталады.
Ішкі қапшықтың артқы аяқшаларының алдыңғы 2/3 –де өтетін басқа бөлігі жұлын нервтері ядроларымен байланыс қызметін атқарады, жұлынның алдыңғы мүйіздеріне дейін түседі. Сондықтан қыртыс - жұлын жолы деп аталады. Ол ми сабауында сопақша миға өтіп, онда пирамидалар түзеді. Пирамидада қыртыс-жұлын жолының талшықтарының бір бөлігі айқасады, ол жұлынға түсіп, оның бүйір жіпшесінде орналасып, латералды қыртыс-жұлын жолын түзеді. Айқаспай қалған бөлігі жұлынның алдыңғы жібінде төмен түсіп, онда алдыңғы қыртыс-жұлын жолын түзеді. Бұл буда жұлынның ақ заты құрамында басқа жағына ауысып, соның нәтижесінде бүкіл қыртыс – жұлын жолы айқасады. Сондықтан әрбір ми сыңары қыртысы дененің қарсы жағының бұлшық еттерін нервтендіреді. Павлов бойынша бұл айқаспалар мидың бір жағының белгілі бір жері зақымданғанда нервтендіруді сақтау үшін керек нерв жүйесінің бейімделуі болып табылады. Пирамидалық жолды құрайтын аксондар алдыңғы түбіршік, сосын бұлшықет нервтері құрамында тұлға мен қол-аяқтардың жұлын нервтері нервтендіретін қаңқа бұлшықеттеріне келеді, яғни қыртыс ядро және қыртыс-жұлын жолдары қаңқа бұлщықеттерін сапалы басқаруға арналған пирамидалық жүйе құрайды. Бұл жүйе тік тұруға және еңбек үрдісі мен сөз сөйлеуде сапалы пайдалануға байланынысты адамда күшті дамыған.
Достарыңызбен бөлісу: |
