Дәріс №7 Тақырыбы: Химиялық – технологиялық

Дәріс №7

Тақырыбы: Химиялық – технологиялық

жүйелерді модельдеу

Жоспары

• Химиялық-технологиялық жүйе
• Технологиялық сызба-нұсқалар, оларды құрастыру әдістері
• Химиялық, операциялық, фунционалды, технологиялық сызбанұсқалар

Химиялық өндіріс

• Химиялық өндіріс әртүрлі ағыстармен өзара байланысқан ондаған, жүздеген аппараттар мен қондырғылардан тұрады.
• Жүйе деп өндірістегі элементтер мен байланыстар арасындағы біртұтас жиынтықты айтады. Байланыстар элементтерді өзара қосады.
• Химиялық өндірісте элементтер – машиналар, аппараттар және басқа қондырғылар, ал байланыстар – машиналар, аппараттар, қондырғыларды қосатын материалдық трубалар - бу өткізгіштер т.б.
• Элементте ағыстардың қозғалысы (олардың күйлерінің өзгерісі бөліну, араласу, сығылу, қыздыру, химиялық өзгерістер т.б.) жүзеге асады.
• Байланыста ағыстар (материалдық, жылулық, энергетикалық) бір элементтен басқа элементке жіберіледі.

Химиялық-технологиялық процесті ұйымдастыру

• Химиялық-технологиялық жүйе – бастапқы затты өнімге дейін өңдеуге арналған аппараттардың, машиналардың, басқа қондырғылардың (элементтер) және материалдық, энергетикалық, басқа ағыстардың (байланыстар) өзара біртұтас жиынтығын айтады.
• Шикізат дайын өнімге дейін өңделетін машиналар мен аппараттардың жиынтығын технологиялық жүйе деп аталады.
• Машиналар мен аппараттарда жүретін операциялардың графикалық кескінделуі мен баяндалуын технологиялық сызбанұсқа деп атайды.

Кез келген химиялық-технологиялық процесті ұйымдастыру:

• процестің химиялық-технологиялық сызбанұсқаларын жасау;
• оптималды технологиялық параметрлерді таңдау және процестің технологиялық режимін анықтау;
• аппараттардың конструкциясын және типтерін таңдау;
• процестің әрбір сатысын бақылайтын және реттейтін параметрлерін анықтау
• т.б. сатылардан тұрады.