Талқылауға арналған сұрақтар: 1. Ғылыми зерттеу – тұлғалық шығармашылық әрекет
2. Психологиялық зерттеу жүргізу кәсіби этикасы
3. Бас жиын және таңдау тобын іріктеу ережелері
4. Әдістемелерді таңдау, қалыптастыру, өңдеу
5. Алғашқы ақпараттарды жинау және өңдеудің типтік қателіктері
6. Ғылыми есеп жасау біліктілігі
Өзіндік жұмыс тапсырмалары: 1. Өзіңізді қызықтыратын зерттеу мәселе бойынша жасалған ғалымдардың зерттеулерінің сызбасын жасаңыз
2. Өзіңіздің тақырыбыңыз бойынша курстық және дипломдық жұмыс, магистрлік жобаларының үлгілерін қалыптастырыңыз.
3. Өз тақырыбыңызға сай жазылған авторефераттарды қарастырып, өзіңізге дейінгі ғылыми зерттеулердің логикалық жүйесін талдаңыз.
4. Өз зерттеуіңіздің ұғымдық аппаратын қалыптастырыңыз
Ұсынылатын әдебиеттер тізімі 1.Қазақстан Республикасының «Ғылым туралы» Заңы //Қазақстан Республикасының 2011 жылғы 18 ақпандағы N 407-IV Заңы // Егемен Қазақстан 2011 ж 25 ақпан.
2. Ахметова Г.К., Пфейфер Н.Э., Бурдина Е.И. Азбука для начинающего исследователя: метод. пособие . – Павлодар, 2006.
3.Егоров В.В., Скибицкий Э.Г. Организация и технология научного исследования. – Новосибирск, 2006. – 426 с.
4. Загвязинский В.И., Атаханов Р. Методология и методы психологопедагогического исследования: учебное пособие для студентов вузов. – М., 2006. – 208 с.
1
5
Қарастырылатын сұрақтар (дәріс жоспары):
ДӘРІС 5 ПСИХОЛОГИЯЛЫҚ ҒЫЛЫМИ ЗЕРТТЕУЛЕРДІҢ НЕГІЗГІ ӘДІСТЕРІ 5.1. Бақылау әдісі Бақылау әдісі–эксперименттік психологиядағы ең алғашқы және ең кең тараған зерттеу әдістерінің бірі болып табылады. Бақылау арқылы зерттелуші алғашқы эмпирикалық мәліметтерді алады. Ғылыми әдіс ретінде бақылау алдын ала мақсат қоюды зерттеу міндеттерін және зерттеу болжамын шығаруды қажет етеді. Бақылау барысында зерттелуші зерттетелетін объектілерге немесе жағдайларға ешкандай әсер келтірмейді, яғни бұл бақылаулардың енжарлық (пассивтілік) сипатын көрсетеді. Алайда, бақылау барысында болып жатқан өзгерістер толықтай тіркелініп отырады. Бақылауды эксперимент әдісімен салыстыруда оның негізгі 2-крийтерий бөліп көрсетіледі. • бақылаудың пассивтілігі, • бақылаудың тікелейлігі Тікелейлік сипаттағы критерий бойынша бақыланған объект туралы қандай да бір қорытындыларды шығарып, интерпретациялау қажеттілігі жоқ. Барлық мәлімет бақылаушыға эмпирикалық тұрғыда берілген. Ғылыми-психологиялық зерттеулерде бақылау әдісі - болжам қалыптастыру көзі, ол басқа әдіс нәтижелерінің дұрыстығын тексеру, зерттелетін объект туралы қосымша ақпарат қажет болғанда жиі қолданылады. Бақылау - бұл зерттелетін объектіні мақсатқа бағытталған жоспарлы түрде ұзақ уақыт бойы қабылдау әдісі15. Бақылаудың ғылыми және қарапайым түрлерін ажыратуға болады. Бақылаудың басты ерекшелігі - мақсатқа бағыттылығы мен жоспарлылығы. Бұл біріншіден, психологиялық бақылау белгілі-бір практикалық немесе теориялық мақсатқа бағындырылған, екіншіден, ол алдын-ала ойластырылып, жасалған нақты жоспар арқылы жүзеге асады. Бақылау әдісінің негізгі мақсаты: объект туралы жоғары ақпарат алу, тіркелген белгілердің қайталануы мен тұрақтылығын анықтау. Қолдану аймағы: зерттеу объектісі мен пәнін нақтылау барысындағы болжамды ұсыну мен растау, зерттеу қорытындыларына түзету енгізу. Негізгі нормативтік талаптары: зерттеушінің айқын позициясы, дербестігі, жақындау формаларының шектеулігі, бақылау объектісімен теңестірілуі. Бақылаудың жоспарлығы тіркелген белгілерді түсіндірудегі бір мағыналылық белгілерді өз уақытында тіркеу мен дәлдік. Пайдаланудағы шектеулер: бақыланатын құбылыстардағы зерттеу жүргізу кезіндегі өзгерістерін ғана бақылау. Өткен уақиғалар тек бақыланған, нақты тіркелген жағдайда ғана есепке алынады. (аудио-видео жазу). Бақылау бағдарламасы: қолданбалы зерттеу бағдарламасының барлық элементін құрайды. Мұндағы басты міндет - бақыланатын ситуацияның
