Сурет 2.2.9 Борсық – (Барсук) - (лат. MelesBrisson)
Борсық Қазақстанның территориясында, әсіресе, Жетісу өлкесінде кең тараған. Бұл өңірдің Жоңғар, Іле Алатауларында көп кездеседі. Сонымен бірге Шу, Іле, Қаратал өзендерінің жағасында да аз емес. Бұл жыртқыш аң әр түрлі жерді мекендейді. Шөл және шөлейт аймақтарда өзен жағаларында, өзенге жақын жоталар, құмайт төбешіктер етегінде және сортаңды жерлерде жүреді. Мәселен, Алматы облысында Балқаш көлінің жағасындағы сексеуіл мен жыңғыл өсетін құм төбешіктердің арасында жиі кездеседі.
