Жұмыс дәптеріндегі тапсырмалар бойынша мұғалім негізгі лексикалық қорды жаттықтыруға және оқушылардың жазылым дағдыларын дамытуға көңіл бөледі. Дәптермен жұмыс кезінде мұғалім оқушыларға дәптердегі тапсырмалардың орындалу жолын түсіндіреді. Оқушылардың тапсырмаларды мұқият әрі дұрыс орындауларына жағдай жасайды. Әр тапсырмадан кейін тапсырманың дұрыс орындалғанын оқушылардан сұрау арқылы қадағалап отырады. Қажет болған жағдайда кейбір оқушылармен жеке жұмыс жүргізеді. Жұмыс дәптеріндегі тапсырмаларды орындау арқылы оқушылар оқулықпен жұмыс барысында алған білімдерін бекіте түседі.
