1.Әлеуметтік жұмыстың технологиялары оқу пән ретінде. Әлеуметтік жұмыс оқу пән ретінде, оның технолгиялары тек білім ретінде емес, сонымен қатар ақпараттық және оқыту спецификасымен ерешеленеді. Әлеуметтік жұмысқа қызметкерлерді дайындауда оқу процесі технологияларына мемлекеттік стандарттар, бағдарламалар, оқу жоспарлары, оқыту формалары мен әдістері енеді. Бұл жағдайда технология ретінде оқу формаларына дәрістер, практикалық және лабораториялық сабақтар, курстық және дипломдық жұмыстар жатады. Кең тараған технологияларға инновациялық оқу формалары білімді рейтингтік бақылау жүйесі, тестік тексеру, коллоквиумдар жатады.
Оқу пән ретінде әлеуметтік жұмыстың жалпы және жеке технологиялары бар. Жалпы технологиялар жүйесіне кез-келген әр түрлі халық категорияларымен жұмыс істеу барысында қолданылатын технологиялар: диагностика, алдын-алу, адаптация, реабилитация, коррекция, кеңес беру және т.б. жатады.
Әлеуметтік жұмыстың жеке технологиялары қолдау мен көмекті қажет ететін нақты категориялар мен әлеуметтік страталарға қолданылады. Әлеуметтік жұмыстың жеке технологияларына: жұмыссыздармен, девиантты мінез-құлқы барлармен, мүгедектермен, қарттармен, жасөспірімдермен, жастармен, аз қамтылғандармен, қашқындармен, бомждарен, миграттармен әлеуметтік жұмыс жатады.
Әлеуметтік жұмыс кәсіби қызмет түрі ретінде.
Кең мағынада әлеуметтік жұмыс технологиялары халықтың барлық топтарына бағытталып халықтың өмір сүру деңгейін, әлеуметтік көмекті қажет ететін ададар санын төмендетуді көздейді.
Тар кәсіби мағынада тактикалық ерекшелікке ие әлеуметтік жұмыс технологиялары жатады. Елімізде экономикалық толық қанды дамымағандығының салдарынан әлеуметтік жұмыстың стратегиялық технологиялары жоқ. Мемлекеттік билік қазіргі уақытта «өт сөндіруші» рөлінде жүр, яғни терең әлеуметтік көмекті қажетсінетін адамдарға көмек көрсетуде. Мысалы: адрестік көмек көрсету концепциясын жатқызуға болады. Әлеуметтік жұмыс ғылымы мамандарының басты мәселесі әлеуметтік жұмыс тәжірибесіне сұранысқа ие әлеуметтік технологияларды және инновациялық технологияларды еңгізу болып табылады.
