Соғыс өнері. Б.Момышұлы енгізген әскери тактикалар

Армия генерал-лейтенанты Бақытжан Ертаев жауынгерлік іс-қимылдарға қатысты ұрыстан шығу, шегініс жасау тәсілдерінің арнайы тарау болып әскери жарғыға енуі, тактикада «ошақты» және «икемді қорғаныс» ұғымдарының қалыптасуы тікелей Бауыржан тәжірибесі арқылы мүмкін болғанын айтады. Тар жерде жол таба білетін көрегендігімен Бауыржан соғыс өнерінің мықты стратегіне айналған. Оның тікелей өз тәжірибесіне сүйеніп жазған «Соғыс психологиясы» атты еңбегінің күні бүгінге дейін Ресеймен қатар, Куба, Никарагуа, Польша, Венгрия, Чехия, Словакия, Испания, Жапония, Израиль, Вьетнам елдерінде оқытылуы – Бауыржан Момышұлының шебер қолбасшылығын әлем халықтарының қалтқысыз мойындағанының бірден-бір айғағы. Осы орайда, Бауыржан Момышұлының әскери даналығын, адами парасатын генерал Панфилов, полковник Серебряков, генерал Чистяков, армия генералы Рокоссовский, сондай-ақ, Баграмян, Жуков, Василевский сияқты маршалдар жоғары бағалаған. Баукеңді бірінші рет И.В.Панфилов, екінші рет полковник Серебряков Кеңес Одағының Батыры атағына ұсынған. Әділетсіздіктің салдарынан Баукеңе екі ретінде де Батыр атағы берілмеген. Оның жанқиярлық ерлігі мен еліне сіңірген еңбегінің лайықты бағаланбауын тілге тиек еткен Д.Снегин: «Өмірде Бауыржанның екі жауы болды. Олар – Ресейде маршал Гречко, Қазақстанда – жазушы Мүсірепов» деген екен. Сөйтіп, кезінде КСРО қорғаныс министрі қызметін атқарған Гречконың кесірінен Бауыржан Совет Одағының Батыры атағын да, соғыстан кейінгі жылдары Әскери академияны бітіре тұра генералдықты да ала алмаған. Майдангер жазушы Әзілхан Нұршайықовтың тілімен айтар болсақ. «Баукең генерал немесе маршал болуына ең күшті екі деталь жетпей қалды: ЖАҒЫНУ мен ТАБЫНУ деген...»

Б.Момышұлының әскери тактикаларын оқып, оның қалай жасалатынын талқылау. Сахналық көрініс жасап көрсету.