Ә.Нұршайықовтың «Аңыз бен ақиқаты»

Ә.Нұршайықовтың «Аңыз бен ақиқат» роман-диалогының жазылу тарихы, автордың «Жұлдыз» журналы редакциясының тапсырмасымен, Баукеңнің 60 жасқа толуына байланысты батыр туралы бес бет мақала жазуды тапсыруынан басталады. Ә.Нұршайықов қабылдауға барар алдында 40 сұрақ дайындап барып, осы сұрақтардың желісінде диалог-роман жазылады. Сұрақтардың қойылуына қарай, әңгіме желісі әртүрлі тақырыптарды қамтиды: балалық шағы, жастық шағы, Қиыр Шығыстағы қызметте жүрген кезіндегі қиындықтар, соғыста болған жолдастарының кейінгі тағдырлары т.б. Жалпы роман Б.Момышұлының өз аузынан жазып алынғандықтан, көптеген құнды да қызықты мағлұматтардан хабар береді. Адам бойына сіңіріп аларлық тәлім-тәрбиеге толы бұл кітаптың жас ұрпақ үшін тигізер пайдасы зор болғандықтан, оқушыларға осы кітапты оқып келу тапсырылады.