Қазақстан республикасының орта білім беру ұйымдарында оқу-тәрбие процесін ұйымдастырудың

147 
ҚР БҒМ «Орта, техникалық және кәсіптік, орта білімнен кейінгі білім 
беру ұйымдары үшін білім алушылардың үлгерімін ағымдағы бақылауды, 
аралық және қорытынды аттестаттау жүргізудің үлгі ережесін бекіту туралы» 
2008 жылғы 18 наурыздағы № 125 бұйрығына (2019 жылғы 26 қарашада
№ 509 өзгерістер мен толықтырулар) төмендегі тармақ енгізілген:
14-4. Оқу жүктемесі аптасына 1 сағат болған жағдайда БЖБ бөлімдерді 
біріктіре отырып, бір тоқсанда екі реттен артық өткізілмейді, қорытынды баға 
жарты жылда қойылады.
Осы тармаққа сәйкес 5-9 сыныптағы «Информатика» оқу пәнінен тек 
бөлім бойынша жиынтық бағалау жүргізіледі және олардың қорытындысы 
бойынша жарты жылдық баға қойылады, ал тоқсан бойынша жиынтық бағалау 
жүргізілмейді.
«ЖАРАТЫЛЫСТАНУ» БІЛІМ САЛАСЫ
 
Жаратылыстануды оқыту білім алушылардың бойында табиғат 
құбылыстары мен заңдылықтары туралы ұғым қалыптастырады, табиғатты 
танудың ғылыми әдістерін ашады, тәжірибеге бағдарланған дағдыларды 
дамытып, тұлғалық сапасын және құндылықтар жүйесін қалыптастырады.
7-сыныптан бастап білім саласы құрамына жаратылыстану білім беру 
бағытының: «География», «Биология» «Физика» және «Химия» пәндері кіреді.
Қазіргі жаратылыстану-ғылыми білім берудің мақсаты – табиғат 
құбылыстарын зерттеуде жүйелілік, сабақтастық принциптерін түсіну, ғылыми 
парадигманың өзгеруі жағдайында ғылыми дүниетаным мен әлемнің заманауи 
көрінісін қалыптастыру. 
Жаңартылған мазмұндағы оқу бағдарламалары білім алушыларда 
міндеттерді анықтау, бақылау, болжау, жіктеу, талдау сияқты табиғатты танып, 
білу дағдыларын қалыптастырады.
Республиканың жалпы білім беретін мектептеріндегі оқу процесі ҚР БҒМ 
2012 жылғы 8 қарашадағы № 500 бұйрығымен бекітілген Үлгілік оқу 
жоспарларымен (2021 жылғы 26 наурыздағы № 125 бұйрығымен өзгерістер мен 
толықтырулар енгізілген) жүзеге асырылады. Атап айтқанда, жаңартылған 
мазмұнның Үлгілік оқу жоспарлары және төмендетілген оқу жүктемесімен 
Үлгілік оқу жоспарлары.
«Тиісті үлгідегі білім беру ұйымдары қызметінің үлгілік қағидаларын 
бекіту туралы» ҚР БҒМ 2018 жылғы 30 қазандағы № 595 бұйрығына сәйкес 
білім беру ұйымдары меншік түрі мен нысанына қарамастан, үлгілік оқу 
жоспарын, оның ішінде оқу процесі жүзеге асырылатын қысқартылған оқу 
жүктемесі бар үлгілік оқу жоспарларын дербес таңдап алады. 
Үлгілік оқу жоспарының түріне байланысты негізгі орта білім беру 
деңгейінде «Жаратылыстану», «География», «Биология» «Физика» және 
«Химия» оқу пәндерін оқытуға бөлінген оқу жүктемесінің көлемі әртүрлі
(48-кесте).

жүктеу/скачать 6,24 Mb.

Достарыңызбен бөлісу: