Ғұндардакөк құдайы Тәңірі саналды. Тәңірқұты (шаньюй) өзін Тәңірдің ұлымын деп атады, бас абыз саналды. Жиынға жиналғанда беделді кісілер оның қастерлі болып есептелетін сол жағына отырды. Олар міндетті түрде қасиеттісанайтын солтүстікке жүздерін қаратып орналасатын. Әр айдың 5-6 күндері қайырлы күн деп есептеліп, маңызды шаруаларды атқаратын.
Айдың киесіне сеніп, Ай толғанда ғана ұрысқа шығып,ал Ай қораланғанда кейін шегініп кететін.
Б.з.-дың ІІІ-V ғасырларында «полихромдық стиль» дамыды. Оның таралуы ғұндармен байланыстырылады.Негізгі қолданылатын шикізат алтын мен қола болды. Бұл әшекейлер екі материалдан: біріншісі- негізігі, одан бұйым жасалса, екіншісі-алтын, күміс, олар бұйымның үстіне жабыстырылды
Полихромдық стиль Полихромдық стилдің әдістері
бүршіктеу- бұйымның бетіне дән сықылды ұсақ домалақ тастарды жапсыру.
оқа жүргізу-алтын жіптермен кестелеу, алтын жалату
ширатпа- бұйымға жіңішке сымды ширата өрнектеу
безендіру(инкрустация)- бұйымға сәндік үшін түрлі түсті заттар жапсыру,асыл тастарды кіріктіру, орнату
зерлеу-бұйым бетіне алтын түйіршектерді дәнекерлеу
Бұйымдарды безендіру үшін жабайы аңдардың бейнесін қолданған. Полихром стилі скиф-сақтардың «аң стилін» ығыстырып шығарды.
Тұрпаты
Қазақтар этногенезінің түркілік кезеңінің басталуығұндармен байланысты. Ғұндар түркі тілдес болды.
Моңғолоидтық белгілер Қазақстан аумағына ғұндардың қоныс аударуымен күшейе түсті. Еуропеоидтық және моңғолоидтық тайпалардың араласуы нәтижесінде жергілікті тураноидтық (оңтүстік сібір) нәсілдік типі қалыптасты. Сөйтіп бұл тайпалар антропологиялық тұрпаты жағынан қазіргі қазақ халқына жақындай түсті.
