Дипломдық жұмыстың тақырыбы: Электрондық техника сатуға арналған интернет – дүкен сайтын құру.
Дипломдық жұмыстың өзектілігі: Клиенттердің көп санын тарту және "Технодом" сауда орталығы электрондық техника интернет-дүкені сайтын құру қажеттілігімен негізделеді.
Дипломдық жұмыстың мақсаты: "Технодом" сауда орталығының қызметтерін, мүмкіндіктерін, ұсыныстарын, қойылатын талаптарын, қажетті материалдарын интернет технологиялар көмегімен жүзеге асыратын, электрондық техника интернет-дүкені сайтын ұсыну болып табылады. Электрондық техника интернет-дүкені сайты қолдануға ыңғайлы және жеңіл, сондықтан барлық қолданушыларға тиімді болады және де тұтынушының сұранысын қанағаттандырады. Көздеген мақсатымызға жету үшін келесі тапсырмаларды орындауға тура келеді:
Дипломдық жұмыстың міндеттері: Дипломдық жұмысқа қойылған міндеттер жүзеге асыра отырып, келесі қортындыларға келдім:
HTML - тілін қолданудың маңыздылығы жоғары. Ол сайт құрудың негізі болып табылады;
Оның негізгі ерекшелігі - қарапайымдылығы. Гипермәтіндік құжатты толықтай өңдеуге мүмкіндігі зор;
Сондықтан, қандай да бір сайт жасауға осы тілді негіз етіп алуға болады.
Дипломдық жұмыстың зерттеу нысаны:Астана қаласындағы "Технодом" сауда орталығы алынды.
Дипломдық жұмыстың теориялық мәні: Дипломдық жұмысты орындау нәтижесінде HTML программалау тілдерінде жұмыс істеуге дағдыланып, әдістемелік және ақпараттық әдебиеттермен жұмыс жасалды. Дипломдық жұмысты жазу барысында қойылған мақсатқа жету үшін қазіргі заманғы Web-технологияларды қарастырып, оқу және анықтамалық әдебиеттерге талдау жасалды. Web-сайтты құру үшін қажетті құрал әдістерін қарастырылды. Теориялық материалды оқуда алынған білімім тәжірибелік дағдылармен бекітілді. Жұмыс нәтижесі ретінде Астана қаласыдағы "Технодом" сауда орталығындағы электрондық техникаларын интернет-дүкені арқылы жарнамалауға және сатуға арналған ақпараттық Web-сайт құрылды. Бұл сайт сауда орталығының жетістіктерін, атқаратын жұмыстарын, электрондық техникаларын және т.с.с ақпараттарын бүкіләлемдік желіде болуын қамтамасыз етеді. Демек, қойылған мақсатқа қол жеткізілді.
