Лекция Бейорганикалық байланыстырғыш заттар негізінде алынатын құрылыс материалдары

Гигроскопиялығы мен ылғалдылығы. Талшықты құрылысы мен үлкен кеуектілігі (30-дан 80%-ке дейін) бар ағашта үлкен ішкі беттің болуына байланысты, ауадан су буын жеңіл жинап ұстап қалады (гигроскопиялық). Ағаштың тұрақты температурасы мен ылғалдылығы бар ауада ұзақ уақыт тұрып ылғалдануын тепе-теңдік ылғалдану деп атайды. Ағаштың тепе-теңдік ылғалдануы мен оны қоршаған ауа көрсеткіштерінің арасында (салыстырмалы ылғалдылық пен температура) диаграммада көрсетілген байланыстық бар (ХІІІ.5-сурет). Олар ылғалдылығына қарай төмендегіше бөлінеді: ылғалды ағаш – ылғалдылығы 100%-ке дейін және одан да жоғары; жаңа кесілген ағаш – ылғалдылығы 35% және одан жоғары; ауада кебу – 15-20%; бөлмеде кебу – 8-12% және абсолютті кебу ағаш (103±2⁰С температурада тұрақты массаға дейін кептірілген) 12% ылғалдылығы бар ағаш стандартты деп саналады. Осы жағдайда оның қасиеттері салыстырмалы анықталады. Ағаштағы су екі түрде кездеседі – бос және физикалық байланысқан күйінде.