Қай баланың добы торға түсетінін анықта

• 
  Балалар, бүгінгі сабақ ұнады ма?
  
• 
  Несімен ұнады?
  
• 
  Осы ойындардың ішінде қай ойын ерекше ұнады?
  

Қорыта келгенде, бастауыш сыныптың оқу үрдісінде «ойын» арқылы оқыту технологиясын пайдалану, біріншіден, оқушылардың білімін берік меңгерту құралы болса, екіншіден, балалардың сабаққа деген танымдық қызығушылығын, белсенділігін арттырып, білім сапасын көтеретініне көз жеткізілді .

Бастауыш сынып оқушыларының қиялы жүйрік болады. Оларға бұл кезде өзіндік жұмыста шағын шығарма, өзіндік ой – талғамдарын жаздыру ұтымды. Бала танымының дұрыс бағыт алуы үшін оның көзқарасын, дүниетанымын зерделеу қажет. Оны ашық әңгіме үстінде де, белгілі бір тақырып төңірегінде өзара пікірлесу түрінде де анықтауға болады. Ал, әдебиеттік оқу сабақтарында әр түрлі тақырыпта ой – талғамдарын айтқызуға, жаздыруға болады. Мысалы, «Менің туған жеріме сағынышым...» деп ары қарай туған жерге деген сағынышын,сүйіспеншілігін баяндату арқылы оқушыларды патриоттыққа тәрбиелейміз. Ал ойлау, сөйлеу тілі арқылы көрініс табады. Шығарма жаздыру арқылы оқушының тілі дамиды. Әрине, мұғалім жұмысты бағалауда әр оқушының шығармасындағы жақсы нәрселерді көтермелей отырып, кемшіліктердің ортақ мәселелерін жинақтап айтады. Бұл оқушылардың келесі жұмыстарды жауапкершілікпен, ынталылықпен орындауына, белсенділіктерін арттыруға жол ашады.

Сабақта оқушылардың өздігінен жұмыс істеуі мен танымдық белсенділігін қалыптастыру мақсатында оқушыларға тапсырмаларды өз қалауы бойынша (біреуін, не екеуін, не бірнешеуін) орындауға мүмкіндік берілді. Мысалы, әдебиеттік оқу пәнінен өтілген тақырыпқа байланысты танымдық қызығушылықтарын қалыптастыру үшін оқушыларға бірнеше тапсырмалар ұсынылды.