Методические рекомендации по изучению предмета «Физическая культура»
жүктеу/скачать 13,46 Mb.
|
| «Жалаушаларға арналған сайыс» (ойынды конькисіз де жүзеге асырылуы мүмкін). Ойыншылар бір жолға желінеді. Жалаушылар 10-15 метр қашықтықта орналастырылады. Бірінші жолда жалаушалар ойыншылардың санынан екеуі кем орнатылады. Екінші жолда бірінші жолға қарағанда екеуге аз белгіленеді және т.с.с., бір жалауша қалғанша. Қатысушылар 1-ші жолда жүгіреді де, бір жалаушадан алады, ойыншылар сайысты жалғастырады, ал кімге жалауша жетпесе, бастапқы орнына қайтып барады. Ойын жалғаса береді, соңғы жалаушаны алған жеңімпаз атанады.
«Қарлығашты қуып жет». Ойыншылардың бірі (қарлығаш) басқаларының алдына 6-8 м жерге тұрады. Белгі бойынша қарлығаш «ұшып» кетеді, ал қалғандары оны қуып жетулері керек және қуып жеткен ойыншы қарлығаш болады. «Конькидегі эстафета». Барлық командалар сөрелік сызық бойына орналасады. Әр колоннаның алдына арақашықтығы 10-15 м жерге 5-6 жалауша орнатылады. Белгі бойынша команданың бірінші нөмірлері жарысты бастайды және жалаушаларды айналып келіп, келесі ойыншы жарыс жолына шығады және мәре сызығын бірінші болып кесіп өткен команда жеңімпаз атанады.
«Ысқырықты тыңда». Ойынға қатысушылар қол созым бойы жерге бастапқы сызыққа орналасады. Белгі бойынша алға сырғанап, қатарды бұзбауға тырысады. Жүргізуші олардың алдында сырғанап жүріп түрлі қимылдар орындай бастайды, ал қалғандары сол қимылдарды қайталаулары керек. Содан соң, ысқырық бойынша артқа қарай жүгіреді. Бірінші келгенге 3 ұпай, екіншіге – 2, үшіншіге – 1 ұпай беріледі. Осылайша бірнеше рет қайталанған соң жеңімпаз анықталады. «Қоңырауды қуып жет». Ойынды өткізуге қоңырау керек. Қоңырауды ойыншылардың біріне береді және ол қоңырауды соға отырып төрт ойыншыдан қашады. Төртеуі қуып жетіп қоңырауы бар баланы қоршауға алулары керек. Алайда, ол ойыншы өзін қоршау қаупі туындаған жағдайда қоңырауды басқа біреуге беруіне болады. «Хоккейшілер сайысы» (бұл сайысты конькимен де, конькисіз де өткізуге болады). Қарға – диаметрі 80 см екі шеңбер сызылады. Шеңберлердің аралығы 80-100 см. Әр шеңбердің ортасында шайба жатады. Қолдарында имек таяқтары бар екі ойыншы қарсыластың шеңберіндегі шайбаны шығарып жіберіп, ал өзінікін қорғауға тырысады. Екеуіне де ол шеңбердің ішінде кіруге болмайды. Сайысуға 2-3 минут уақыт беріледі. Жеңімпаз анықталмаған жағдайда қосымша 1 минут беріледі.
жүктеу/скачать 13,46 Mb. Достарыңызбен бөлісу:
|