зурият !
(Ә. Нұрпейісов). Зындан −
түрме, абақты, жерден терең етіп қазылған қараңғы тұтқын үй . Парсы тілінде
зендан –
түрме, абақты, қараңғы тұтқын үй (ПРС., М., 1960, 261). «Осы істің жолына бар дүние-малымды сарп етсем де, бір
жағынан шықпай тынбаймын! Жарлыны Әміршімен қоса өлтіруге де,
зынданда шірітуге де шамам жетеді!» деп, жындана жаздап үйіне қайтты
(Нұртуған). Қараңғы, суық
зынданды, жатақ қылды тәніміз. Қылыштың жүзі,
Мылтықтың аузында болды жанымыз
(С. Сейфуллин). Зікір −
1) еске түсіру, еске алу; 2) ес; 3) даңқ; 4) діни. зікір (топ адам қосылып құдайдың 99 есімін, сипатын атап, ұдайы дұға оқу, зікір салу). Араб
тілінде
зикрун –
еске түсіру, алланың атын хормен айтып, оған сиыну дегенді
білдіреді
(АРС., М., 1958, 348). Мәулім деп сол баланың атын қойып, Қызметін
аямады келген қолдан. Мүриті бұл шайықтың бес жүз адам, Зарлаған
зікір айтып таңсәріден
(Нұртуған). Қамырдан үзбей қыл тартқан Уағыз айтқан пірің
кім?
Зікірімен жөн тапқан Төрт түлікке сайың кім?
(Нұртуған). Періште көкте
қуанды,
Зікір, тәспи көп айтқан. Жұмла әулие тебіренді, Жәдігер жақсы
тұяқтан
(Нұртуған). Молда емессің, соқырсың,
зікір айтып зарлаған, жаназа
оқып өлгенде, Педия алып жалмаған
(Жамбыл). Сонан соң жеті күн ұдайымен
зікір салып, басындағы дұғасын аламын,− деді ишан
(С. Торайғыров); Зікір салды –
үшкірді, бақсылық етті. Басына сәлде орап,
