Ләшкер тартып келеді, Ауыздықпен алысып Ұшқан құспен
жарысып
(«Алпамыс»). М Мазһаб (мазхаб) –
1) тәсіл, жол; бейне қимылы, әрекеті, құлық; 2) діни. ілім (мектебі, ағымы); 3) діни қауым, секта, жік, тарам; 4) теория; бағыт, көзқарас. Шариғатта – арнайы тәсілдер, ережелер арқылы Құран сүннеттен
шығарылған үкімдер мен көзқарастар жиынтығы
«мазхаб» делінеді. Төрт
мазһаб – төрт қаруың сен сұраған, Исламда осы емес пе көрік, шырайың?!
(Ерімбет). Мазһаб (жол, бағыт) – діни заң мектебі немесе мұсылмандық
сүнниттік праводағы жүйе (шариғат). Қазір әйгілі төрт
мазһаб бар. Олар:
ханифалық, мәліктік және ханбалдық мектептер
(«ҚСЭ»). Ол жақта барып, тағы
да ала ауыз
мазхабтарды қоздырып, бүлік салуы мүмкін
(А. Машанов). Майдан −
1) көгал, көгорай шалғынды жер; 2) алаң, орын; 3) ұрыс даласы. Башқұртша
майзан –
алаң, арена, қызыл майдан – кең алаң. Майдан
көп тілдерде бар сөз: беларусша
майдан; болгарша
мегдань, мейдань – алаң;
түрікше
майдан – кең алаң, арена; курдша
майдан (Н. Оңдасынов). Ерімбет
шығармаларында
майдан «ұрыс алаңы» мағынасын береді. Одан соң күресуге
жан келмеді, Келгені құшып жатты қара жерді. Алысып адамзаттың әлі келмей,
Дариха түзеттірді
майдан жерді
(Ерімбет). Алысып кім шақ келер мұндай ерге,
Айбатты жұрт билеген кемеңгерге. Палуанның келген іздеп орыны деп,
Орнатты алтын діңгек
майдан жерге
(Ерімбет).
