Психологиялық тренинг технологиясына кіріспе оқу-әдістемелік құрал Алматы 2011
-қосымша. ӨЗ КӨЗҚАРАСЫН, ҰСТАНЫМЫН, ШЕШІМІН ДӘЛЕЛДЕУДІ ЖҮРГІЗУ БОЙЫНША ҰСЫНЫМДАР
жүктеу/скачать 303,94 Kb.
|
| 9-қосымша.
ӨЗ КӨЗҚАРАСЫН, ҰСТАНЫМЫН, ШЕШІМІН ДӘЛЕЛДЕУДІ ЖҮРГІЗУ БОЙЫНША ҰСЫНЫМДАР 1. Қарапайым, анық, тиянақты түсініктерді қолдану. 2. Дәлелдемені әңгімелесушіге қатысты сыпайы жүргізу: а) әңгімелесушінің дұрыстығын ашық мойындау, содан соң өз дәлелдемелеріңді келтіру; б) әңгімелесуші үйренген дәлелдемелерді ғана пайдалануды жалғастыру; в) алдымен әңгімелесушінің дәлелдемелеріне жауап беру, содан соң өз дәлелдемелеріңді келтіру; г) сыпайылық сақтау. 3. Әңгімелесушінің тұлғалық ерекшеліктерін есепке алу: а) дәлелдемені әңгімелесушінің мақсаттары мен түрткілеріне бағыттау; б) фактілерді жай ғана атап көрсетпей, қандай да бір оқиғаның артықшылықтарын мазмұндау; в) әңгімелесушіге түсінікті терминологияны қолдану; г) дәлелдеме қарқынын әңгімелесуші темпераментінің ерекшеліктерімен өлшемдестіру. 4. Өз дәлелдеріңді, идеяларың мен пайымдауларыңды барынша көрнекі түрде мазмұндауға тырысу: а) сызбаларды салу үшін қалам мен қағазды пайдалану, әңгіме барысын конспектілеу; б) салыстыруды пайдалану, бірақ тым асырып айтпау, себебі, ол сенімсіздік тудырады. 5. «Қадалып» сендіре сөйлеу әңгімелесуші тарапынан тойтарысқа ұшырайтындығын, ал 1-2 анық дәлелдің көбірек әсер тигізетінін ұмытпау. 6. Дәлелдеме келтірудің арнайы тәсілдерін пайдалану: а) басқа жаққа ауыстыру әдісі – әңгімелесушіні біртіндеп онымен бірге проблемаларды шешуді кезең бойынша бақылап отыру арқылы қарама-қарсы қорытындыларға алып келу; б) «салями» әдісі – әңгімелесушіні біртіндеп алдымен басты мәселеде, содан соң толық келісу үшін қажет жекеліктерде оның келісімін алу жолымен сізбен толық келісуге алып келу; в) ыдырату әдісі – әріптестің дәлелдемелерін дұрыс, күмәнды және қате дәлелдемелер деп бөле отырып, кейіннен оның жалпы ұстанымының қанағаттанғысыздығын дәлелдеу; г) оң жауаптар әдісі – әңгімелесуді әріптесіңіз сіздің бірінші сұрақтарыңызға: «Иә... иә... иә...», - деп жауап беріп, содан кейін пікірталас үшін әлдеқайда маңызды мәселелер бойынша да сізбен келісуін жалғастыратындай етіп құру; д) классикалық риторика әдісі – әріптестің сөздерімен келісе отырып, кейіннен бір мықты дәлелдеменің көмегімен оның барлық ойларын кенеттен жоққа шығару (әріптес тым ашушаң болған жағдайда қолданылады); е) қарқынды баяулату әдісі – әріптестің дәлелдемесіндегі әлсіз жерлерін әдейі баяулатып айту; ж) екі жақты дәлелдеме әдісі – сіз ұсынып отырған шешімнің артықшылықтарын да, әлсіз жақтарын да көрсету (бұл әдіс парасатты әңгімелесушіге арналған). 7. Дәлелдемелердің жүргізілген талқылауы бойынша жинақтап қорытулар мен қорытындыларды уақтылы жасау. жүктеу/скачать 303,94 Kb. Достарыңызбен бөлісу:
|